Futboll
Çerekfinalja Zvicër–Spanjë, çfarë duhet të dimë për këtë përballje
Zyrtarisht, kjo do të jetë ndeshja e parë ndërmjet Zvicrës dhe Spanjës në një Kampionat Evropian.
Çfarë duhet të dime për këo dy ekipe?
Tri takimet e fundit në turne të mëdha ishin ato të viteve 1966, 1994 dhe 2010 në kuadër të Kupës së Botës. Spanja i fitoi dy të parat, Zvicra triumfoi në të fundit.
Theksohet se Spanja e ka humbur vetëm një nga 22 ndeshjet kundër Zvicrës në të gjitha garat (16 fitore, 5 barazime). Humbja erdhi në Botërorin “Afrika e Jugut 2010”.
Në fakt, kjo do të jetë paraqitja e katërt e Zvicrës në çerekfinale të një turneu madhor (Kupë e Botës dhe Evropian) dhe e para në Kampionatin Evropian. Zviceranët i kanë humbur tri ndeshjet e fundit në këtë fazë – 3:2 nga Çekosllovakia (1934), 2:0 nga Hungaria (1938) dhe 7:5 nga Austria (1954).
Spanja u bë ekipi i parë në Kampionat Evropian që shënon 5 gola e më shumë në dy ndeshje rresht. Ata nuk kanë shënuar më shumë se katër gola në asnjërën prej 42 ndeshjeve në këtë garë.
Zvicra ka shënuar tri gola në secilën prej dy ndeshjeve të fundit të Kampionatit Evropian. Nuk kanë shënuar asnjëherë më shumë se dy gola në 15 ballafaqimet e fundit në këtë garë. Zvicra ka shënuar tri e më shumë gola në tri ndeshje rresht në të gjitha garat që nga tetori i vitit 2017.
– Pasi shënoi me vetëm 8.5% të gjuajtjeve në fazën e grupit (4 gola, 47 gjuajtje), Zvicra i konvertoi 25% të tentimeve në raundin e 1/8 së finales kundër Francës (3 gola, 12 tentime).
– Spanja ka mesatare prej 73.4% të posedimit të topit dhe ka saktësi në pasime 89.5% në “Euro 2020” deri më tani. Këta numra janë më të lartit që janë regjistruar në një edicion të Kampionatit Evropian (prej vitit 1980).
– Alvaro Morata ka pasur më së shumti gjuajtje (15) dhe gjuajtje në kornizën e portës (8) sesa çdo lojtar tjetër spanjoll deri tani në “Euro 2020” dhe është golashënuesi më i mirë i Spanjës në turne me dy gola. Nga dy gola për Spanjën kanë edhe Pablo Sarabia dhe Ferran Torres, por me më pak gjuajtje (13) dhe gjuajtje në kornizën e portës (7) së bashku, në krahasim me Moratan.
– Haris Seferoviqi i Zvicrës ka shënuar tri gola në dy ndeshjet e fundit në Kampionatin Evropian, pasi kishte realizuar vetëm një në 13 ndeshjet e fundit në turne të mëdha. I vetmi futbollist i Zvicrës që ka shënuar në tri paraqitje rresht në një ngjarje të madhe ishte Josef Hugi në Kupën e Botës më 1954.
– Ferran Torres është përfshirë në tetë gola në nëntë paraqitjet e fundit në të gjitha garat për Spanjën (7 gola, 1 asistim). Torres ka shënuar në dy ndeshjet e fundit të Kampionatit Evropian. Asnjë futbollist i Spanjës nuk ka shënuar tri herë rresht në këtë garë.
Të ngjashme
Të tjera nga Futboll
E-Diaspora
-
Regjistrimi i popullsisë: Diaspora mund të regjistrohet online deri më 31 gusht Qeveria e Republikës së Kosovës ka zhvilluar një mbledhje elektronike, në të cilën, me kërkesë të...
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
-
Ermonela Jaho me performancë në Royal Opera House, në skenë me të ngjitet edhe Mbreti Charles III
Jeta në Zvicër
-
A do të largohet selia e FIFA-s nga Zvicra? Të premten organi qeverisës ndërkombëtar i futbollit hodhi themelet formale për një largim teorik nga selia...
-
Shqetësime për planet zvicerane të transportit nëntokësor të mallrave
-
Mbyllet tuneli Gotthard si pasojë e një aksidenti: Pritjet si pasojë e kolonës, deri në një orë
-
Pse kaq shumë organizata sportive ndërkombëtare kanë bazën në Zvicër?
-
Katër mërgimtarët që udhëtuan nga Zvicra në Strugë me biçikletë