Çfarë është Karta e Kaltër?

Ngjashëm me Kartën e Gjelbër në SHBA, profesionistë nga vendet jo anëtare të BE-së janë në gjendje të punojnë në Gjermani me të quajturën Kartë e Kaltër.

Por çfarë është më të vërtetë Blue Card?

Ideja për Kartën e Kaltër fillimisht u krijua nga grupi i ekspertëve ‘Bruegel’ i Brukselit, dhe u shkrua në ligjin e BE-së në gushtin e vitit 2012.

Ideja ishte të imitohet sistemi amerikan për t’u dhënë punëtorëve një kartë që do t’u mundësonte atyre të drejta të plota punësimi – dhe të përshpejtonin qëndrim të përhershëm. Por ndryshe nga Kartoni i Gjelbër, ata duhet të fitojnë një pagë që është të paktën 1.5 herë më e lartë se mesatarja në vendin e tyre. Gjermania deri tani është grumbulluesi më i madh i kartave të kaltërta të BE-së, shkruan Thelocal.ch.

Gjermania ka afro 90% të kartave të kaltër, e ndjekur nga Franca (3.6 %), Polonia (3.2 %) dhe Luksemburgu (3 %). Në vitin 2017, kishte 21.227 mbajtës të kartës, nga 11,290 sa ishin në vitin 2013.

Sipas shifrave të fundit, një e katërta e mbajtësve të kartave blu të BE-së në Gjermani vijnë nga India, duke i bërë ata grupin më të madh që të aplikojnë për leje, 10 % vijnë nga Kina, 6.4 % nga Rusia, 4.7 % nga Turqia dhe 4.1 % nga Ukraina.

Si mund të kualifikoheni për një Karton të Kaltër?

Karta i jepet secilit që ka një diplomë universitare të akredituar, dhe fiton një pagë të caktuar (të lartë).
Kjo është arsyeja pse ju tashmë duhet të keni një ofertë pune në dorë para se ju ose punëdhënësi juaj të mund të aplikoni për Kartën.

Për të parë nëse diploma juaj kualifikohet, mund të drejtoheni në faqen e internetit të qeverisë “Anerkennung in Deutschland” (Njohja në Gjermani).
Nëse mendoni se do të kualifikoheni, dhe thjesht duhet së pari punë, faqet e internetit të tilla si Apply.eu lidhin banorët jashtë-BE-së me punëdhënësit.

Për profesione deficitare të Gjermanisë (siç janë profesionet e IT, mjekët dhe inxhinierët), do të marrin pagë vjetore bruto prej 41,808 €. Për të gjithë të tjerët, paga vjetore arrin në 53.800 €.
Kjo mund të duket si shumë e madhe parash, por pragjet minimale të pagave në Gjermani janë ndër më të ultat nga të gjitha vendet pjesëmarrëse të BE-së.

Për dallim nga disa shtete anëtare më të rrepta, Gjermania gjithashtu do t’u japë kartat aplikantëve të rinj jashtë universitetit, për sa kohë që ata kanë një ofertë pune.

Si të bëhet kërkesë për një Kartë të Kaltër? Ose ju ose punëdhënësi juaj mund të plotësoni kërkesën për Kartën, dokumentet mund të dorëzohen në zyrën e të huajve në Gjermani ose ambasadën tuaj jashtë vendit.
Shtetasit e Australisë, Kanadasë, Izraelit, Japonisë, Koresë së Jugut, Zelandës së Re dhe SHBA-së lejohen të hyjnë në Gjermani me një vizë turizmi tre mujor dhe më pas të aplikojnë.

Zyra e të huajve thotë se kombet e të gjitha vendeve të tjera – nëse nuk jetojnë tashmë në Gjermani me leje qëndrimi – duhet të aplikojnë në konsullatën e vendit të tyre.

Në Gjermani, koha për të proceduar një aplikim shpesh kërkon vetëm ditë ose javë sesa muaj siç është rasti për llojet e tjera të lejeve të punës, sipas Rrjetit Blue Card të BE-së.
Nëse keni një Kartë të Kaltër, ju mund të aplikoni për qëndrim të përhershëm në Gjermani pas vetëm 33 muajsh.

Kjo mund të reduktohet në nën dy vjet, ose 21 muaj, nëse keni një çertifikatë të gjuhës të nivelit B1.
Pas 18 muajsh, ose 1 vit e gjysmë pune në Gjermani, mbajtësit e Kartës së Kaltër mund të transferohen në çdo vend tjetër të BE-së.
Vendet e vetme të BE-së ku nuk zbatohet kjo Kartë janë: Danimarka, Irlanda dhe Mbretëria e Bashkuar.

Mbajtësit e Kartës gjithashtu mund të largohen nga BE deri në 12 muaj pa humbur të drejtën për të punuar atje. Po ashtu ata që pajisen me Kartën e Kaltër kanë të drejtë që t’i marrin anëtarët e familjes, fëmijët dhe gruan apo burrin pavarësisht nga niveli i tyre i gjermanishtes, përcjell Albinfo.ch.

---