Lajme
Çfarë ndryshimesh do të ndodhin në Facebook nga 1 dhjetori
Facebook po heq disa fusha që përmbajnë informacione të profilit, duke përfshirë pikëpamjet fetare dhe politike, përcjell albinfo.ch.
Facebook ka njoftuar përdoruesit se do të heqë katër fusha informacioni nga profili, duke filluar nga muaji i ardhshëm. Këto fusha përfshijnë pikëpamjet fetare, pikëpamjet politike, adresat dhe fushën “të interesuarit”, e cila tregon orientimin seksual të përdoruesit. Ndryshimi do të hyjë në fuqi më 1 dhjetor. Një zëdhënës i kompanisë tha se arsyeja e ndryshimit ishte për ta bërë rrjetin social më të lehtë për t’u përdorur.
“Si pjesë e përpjekjeve tona për ta bërë më të lehtë navigimin dhe përdorimin e Facebook, ne po heqim disa fusha të profilit: të interesuarit, pikëpamjet fetare, pikëpamjet politike dhe adresat. Ne po u dërgojmë njoftime personave që kanë plotësuar këto fusha, duke i njoftuar se do të hiqen”, thuhet në njoftimin e kompanisë.
Njoftimi tregon se informacionet e tjera të përdoruesve do të mbeten në profilet e tyre së bashku me informacione të tjera kontakti dhe bazë.
Vendimi i Facebook për të hequr qafe këto fusha specifike të profilit është pjesë e një përpjekjeje për të përmirësuar platformën e saj, e cila aktualisht përbëhet nga disa veçori që janë disi të vjetruara.
Vlen të theksohet se fushat e informacionit që Facebook ka vendosur të heqë janë ato që rrjetet e tjera të mëdha sociale nuk i ofrojnë. “Platformat si Instagram dhe TikTok kanë një model të biografive të thjeshta që lejojnë përdoruesit të ndajnë informacione rreth vetes pa hyrë në detaje specifike, të tilla si pikëpamjet politike ose fetare.”
Në të kaluarën, njerëzit mund të kenë qenë të interesuar të plotësojnë profilet e tyre me informacion shtesë, por ndërsa rregullat e privatësisë bëhen më të qarta dhe më të përcaktuara – përdoruesit mund të mos dëshirojnë më të ndajnë detaje shtesë për veten e tyre në internet.
Meqë ra fjala, “Meta” pushoi javën e kaluar 11 mijë punëtorë, që përbën rreth 13 për qind të fuqisë punëtore të saj.
E-Diaspora
-
Tifozët Kuq e Zi protestojnë para FSHF-së, kundërshtojnë organizimin e përbashkët Shqipëri-Serbi Tifozat Kuq e Zi kanë protestuar mëngjesin e kësaj të hëne para zyrave të Federatës Shqiptare...
-
Puna në qiell të jep ndjenjën e paqes
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
Jeta në Zvicër
-
Buxheti i mbrojtjes i propozuar prej 15 miliardë frangash, pritet të dështojë Një rritje e propozuar prej 15 miliardë frangash për buxhetin e mbrojtjes nuk ka gjasa të...
-
Shtatë gjëra që shtetasit jo-BE duhet t’i dinë rreth zhvendosjes në Zvicër
-
Cyrihu, qyteti i tretë më pak tërheqës evropian, për të ardhurat nga qiraja e pronave
-
Zvicër: Lajmet kryesore të ditës së hënë
-
Çiklizmi në tren: Rezervimi i vendit nuk e zgjidh mungesën e hapësirës