Çfarë thotë Challandes pas humbjes nga Anglia

Kosova sot është përballur ndaj ish-kampionit të Botës, Kombëtares së Anglisë, e cila e ka mëposhtur Kosovën me rezultat 4-0.

Trajneri i kombëtares së Kosovës në futboll, Bernard Challandes, ka thënë se pjesa e parë ishte e mirë, por gabimet ndodhën në pjesën e dytë.

“Pjesa e parë ishte shumë e mirë, kreative, pozicionim të mirë, por mungonin ato pasimet, apo gjuajtjet e fundit”, tha Challandes pas humbjes me Anglinë në “Fadil Vokrri”.

Nga ana tjetër, për Ibrahim Dresheviqin, trajneri i Kosovës pati përshtypje të mira, ndonëse tha se ka bërë disa gabime.

“Dresheviqi ka luajtur mirë, por ka bërë edhe gabime, gabime jonormale. Ishte lojë e mirë, si paraqitje e tij e parë. Ai duhet të mësojë më shumë”, u shpreh Challandes.

Më tej, ai tha se shpreson që Kosova do ta arrijë kualifikimin përmes Ligës së Kombeve, por tha me shaka: “Shpresojmë që të mos e kemi më në grup Anglinë”, përcjell albinfo.ch.