Çiftet homoseksuale martohen në kishë

Sinodi i Kishës protestante të kantonit Vaud pranon parimin e një riti fetar për çiftet homoseksuale

Sinodi i Kishës protestante të kantonit Vaud të shtunën pranoi parimin e një riti fetar për çiftet martesore në partneritet të regjistruar. Ai do të vendosë për formën e këtij riti më vonë.　　Çiftet e seksit të njëjtë të lidhur në partneritet të regjistruar këtë vit do të mund ta kenë një rit brenda kishës protestante të kantonit Vaud.Pas hyrjes në procedurë të votimi të së premtes, Sinodi, i mbledhur në komunën e Saint-Sulpice, e pranoi të shtunën këtë rit për homoseksualët.　Ai e ka kaluar «një hap të rëndësishëm» pas një debati «të gjerë, të ushqyer dhe konstruktiv», i cili përfundoi me një numër të qartë votimesh: 59 vota për, 9 kundër dhe 7 abstenime, njofton Kisha protestante në komunikatën e saj.Sinodi e ka shtyrë për më vonë çështjen delikate të llojit të liturgjisë, e cila do të propozohet. Ai e ka ngarkuar Këshillin sinodal, ose organin ekzekutiv të kishës, t’i nënshtrojë rite të ndryshme deri në fund të legjislaturës në qershor 2014.Gjatë debatit zëra të shumtë kanë vërejtur se bekimi i propozuar është shumë i afërt ndaj një bekimi martesor. Kjo pikë e ka ndarë kuvendin, i cili prapëseprapë ishte në shumicën e tij në favor të ritit për çiftet në partneritet.　Me këtë vendim kisha protestante e Vaud-it bëhet kisha e dhjetë në Zvicër dhe e para ndër kishat frankofone që propozon një rit fetar për çiftet e të njëjtit seks.