Fotolajmi
Cilat janë kompanitë më të mira ajrore?
Në një renditje të re të kompanive ajrore, “Qatar Airways” udhëheq në drejtim të cilësisë dhe shërbimit, saktësisë dhe sa i përket kërkesave për kompensim. Ky është rezultati i një renditje të re të kompanive ajrore, që është realizuar nga Airhelp. “Air Dolomiti” dhe “Austrian Airlines”, janë dy degët e “Lufthansa”-s, që ndajnë vendin e dytë.
Një tjetër degë e “Lufthansa”-s, nga ana tjetër “Swiss”, nuk ka lëvizur në këtë krahasim ndërkombëtar. “Swiss” është pozicionuar në vendin e 49-të, një vend pas kompanisë irlandeze me kosto të ulët ajrore “Ryanair”. Nga krahasimi i fundit nga pranvera e kaluar, “Swiss” ka humbur edhe disa vende vetëm për shkak të kategorisë në përpunimin e kërkesave për kompensim.
Përveç kësaj, “Swiss” mesatarisht është vlerësuar në aspektin e përpikërisë në orarin e fluturimeve. “Swiss” ka pranuar këtë dhe ka punuar për të qenë e përpiktë në kohë. Megjithatë, objektivi nuk është arritur ende, tha CEO zviceran, Thomas Klühr, në një intervistë të dhënë kohët e fundit.
Sipas kërkesës, “Swiss” deklaron se objektiviteti i renditjes nuk është bindës, pasi “Airhelp” ndjek një qëllim komercial duke u bazuar në përpunimin e kërkesave për kompensim.
“Në përgjithësi do të doja të them se “Swiss” është e kënaqur me nivelin e lartë të kënaqësisë së pasagjerëve, e cila është treguar nga sondazhet e klientëve të kryera në intervale të rregullta”, tha një zëdhënës.
Në renditje qëndrojnë keq “Onur Air” nga Turqia, “Kina Air” dhe “Egyptair”. Këto tri linja ajrore kanë vlerësim shumë të ulët në kategorinë e kërkesave për kompensim. Për “Onur Air” vlerësimi i cilësisë dhe shërbimit ishte gjithashtu shumë i ulët.
Renditja nga “Airhelp” është bazuar në të dhënat e “Skytrax” për të vlerësuar cilësinë e shërbimebe të linjave ajrore në tokë dhe në ajër. Për kategorinë e saktësisë, “Airhelp” ka llogaritur përqindjen mesatare të aterrimit të përpiktë. Një fluturim konsiderohet të jetë në kohë, në qoftë se avioni nuk ka më shumë se 15 minuta vonesë në kohën e treguar të mbërritjes. Kategoria e tretë përfshin gjatësinë e kohës së linjave ajrore që duhet të paguajnë kompensim.
Të tjera nga Fotolajmi
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën