Lajme
Cilat nga platformat sociale arritën 100 milionë përdorues më shpejt?
Nga hulumtimi i gjashtë platformave më të njohura sociale, ka një afat të ndryshëm kohor mbi suksesin e tyre drejt 100 milionëshit të parë të përdoruesve
Aplikacioni Threads i Instagramit, i lansuar si një konkurrent i Twitterit, ka regjistruar më shumë se 100 milionë përdorues në më pak se pesë ditë, duke tejkaluar rekordin e vendosur nga mjeti AI ChatGPT për aplikacionin e konsumatorit me rritjen më të shpejtë.
Edhe pse disa rivalë janë shfaqur për të rrëzuar Twitterin, shumica janë platforma të veçanta pa kapacitet për të fituar vrull.
Ndërkohë, Threads përfiton nga lidhja e saj me Instagramin, i cili ka mbi një miliard përdorues të rregullt.
Aplikacioni u shfaq në dyqanet e aplikacioneve Apple dhe Android në 100 vende më 5 korrik, megjithëse nuk është ende i disponueshëm në Evropë sepse kompania mëmë Meta nuk është e sigurt se si të navigojë legjislacionin e Bashkimit Evropian për privatësinë e të dhënave.
Në vazhdim TRT Balkan ju bën të ditur afatin kohor mbi suksesin e platformave të ndryshme sociale, të cilat gjithashtu radhiten pas aplikacionit Threads.
100 milionë – ChatGPT dhe Tik Tok me muaj
ChatGPT (Chat Generative Pre-Trained Transformer) është një chatbot i inteligjencës artificiale i zhvilluar nga OpenAI dhe i lançuar më 30 nëntor 2022. Ky aplikacion është në gjendje të gjenerojë me profesionalizëm tekste realiste dhe njerëzore për pothuajse çdo gjë. Si i tillë ky aplikacion arriti në 100 milion përdorues në afat prej dy muajsh.
Ndërsa Aplikacioni Tik Tok u lançua në vitin 2016 nga kompania kineze e teknologjisë ByteDance. Tani i disponueshëm në më shumë se 150 tregje të ndryshme, TikTok ka zyra në Pekin; Los Angjelos, Moskë; Mumbai, Indi, Seul, Kore të Jugut dhe Tokio.
Suksesi drejt 100 milionëshit të parë të përdoruesve të Tik Tokut arriti pas nëntë muajsh nga lansimi i saj.
100 milionë – Instagram, Facebook dhe Twitter me vite
Tri platformat më të vjetra sociale Facebook (2004), Twitter (2006) dhe Instagram (2010) për dallim nga Threads, ChatGPT dhe Tik Tok të cilat kanë arritur 100 milionshin e parë të përdoruesve brenda disa ditësh, gjegjësisht muajsh, këtyre u janë dashur vite të tëra.
Instagrami 100 milionëshin e parë të përdoruesve e ka arritur brenda 2 vjet e gjysmë, Facebooku brenda 4 vjetëve e gjysmë, ndërsa Twitteri brenda 5 vjetëve.
E-Diaspora
-
Arbëreshët, kjo rrënjë e fortë e Atdheut! Një grup veprimtarësh nga disa shtete arritëm të bëhemi bashkë dhe nën “hijen e fjamurit të...
-
Osmani u drejtohet bizneseve amerikane në Teksas: Investoni në Kosovë
-
Hapet ekspozita e piktorit shqiptar në Helsinki
-
Xhaka-Gjimshiti, dy shqiptarët në garë për trofeun e Europa League
-
Kam pak kohë që jetoj në Zvicër, si mund të aftësohem/shkollohem në Lausanne?
Jeta në Zvicër
-
Janë refuzuar shumica e pretendimeve për para nga sigurimet shëndetësore gjatë COVID-19 në Zvicër Më shumë se 60% e njerëzve me Covid u është refuzuar mbështetja nga sigurimi i invaliditetit....
-
Vdes zëvendëskancelari i Zvicrës, André Simonazzi
-
Stuhia diellore “ekstreme” gjeneron dritat veriore, përfshihet edhe Zvicra
-
Zvicra dhe tri vende të tjera sapo shqyrtuan tërheqjen nga “Eurovision 2024”
-
Kur do të hapen pishinat në Zvicër?