Cilat produkte u shtrenjtuan gjatë marsit në Zvicër?

20% është rritur inflacioni krahasuar me një vit më parë. Kjo ka ndikuar edhe në rritjen e çmimeve të produkteve të shportës, shkruan 20minuten.

Çmimet në përgjithësi u rritën me 3.5 për qind krahasuar me të njëjtin muaj të vitit të kaluar, çmimet e ushqimeve bazë janë rritur në mënyrë drastike. Këtë e tregon edhe indeksi i çmimeve të konsumit të publikuar nga shërbimi i krahasimit Comparis, në bashkëpunim me qendrën e kërkimeve ekonomike të ETH, përcjell albinfo.ch.

19.9 për qind: margarina, yndyrna ushqimore dhe vajra;

17 për qind: sheqeri;

12.2 për qind: gjalpi;

11.2 për qind: birra;

8.7 për qind: alkooli dhe pijet aperitiv;

8.5 për qind: qumështi, djathi, vezët;

8.1 për qind: buka, mielli dhe produkte drithërash;

7.7 për qind: frutat, perimet, patatet dhe kërpudhat;

6.9 për qind: ushqimet e tjera;

6.1 për qind: kakao dhe çokollata pluhur;

6 për qind: çokollata;

5.6 për qind: peshku dhe ushqimet e detit;

5.5 për qind : uji mineral natyral;

4.5 për qind: akulloret;

4.2 për qind : ëmbëlsirat.

Sipas ekspertit financiar të Comparis, Dirk Renkert, kostot e larta të ushqimit janë për shkak të rritjes së çmimeve për energjinë, ushqimin e kafshëve dhe plehrat, si dhe dështimet e të korrave. Sipas Renkert, nuk ka gjasa që çmimet të bien sërish në të ardhmen e afërt, shkruan 20minuten.

Dhe në të vërtetë: krahasuar me marsin 2022, çmimet e energjisë elektrike janë rritur me më shumë se 25 për qind. Edhe energjia e nevojshme për ngrohje kushton 15.9 për qind më shumë se një muaj më parë, shkruan 20minuten, përcjell albinfo.ch.

Edhe mallrat u bënë më të shtrenjta:

35 për qind: transporti ajror;

17.1 për qind : paketat turne;

8 për qind: materialet e shkrimit dhe vizatimit;

6.7 për qind : pjesët e këmbimit dhe aksesorë;

6.6 për qind: produktet për kafshët shtëpiake;

6.3 për qind : pajisjet e tualetit;

5.4 për qind : vegla dore dhe aksesorë për shtëpinë dhe kopshtin;

4.7 për qind : veshjet për meshkuj;

3.4 për qind: bimët, lulet dhe produktet e kopshtit;

3.4 për qind : pastrimi dhe riparimi i veshjeve;

3.1 për qind : gazetat dhe revistat;

2.8 për qind : artikujt dhe aksesorët e udhëtimit;

2.6 për qind: tekstilet shtëpiake dhe aksesorë.

2.2 për qind : shërbimet e parukerisë dhe kozmetikës;

1.5 për qind: veshjet sportive;

Por jo në të gjitha fushat pati rritje të çmimeve. Në shërbimet mjekësore nuk pati ngritje, sigurimi shëndetësorë privat, veshjet për fëmijë, mediat dhe përmbajtja e tyre, pajisjet e kujdesit personal, ilaçet, telekomunikacioni, shërbimet e tjera shëndetësore dhe karburantet nuk u prekën nga inflacioni, përcjell albinfo.ch.

Një vështrim përtej kufijve kombëtarë tregon se Zvicra ka më pak për të luftuar me inflacionin sesa vendet e BE-së. Sipas Eurostat, zyrës statistikore të Bashkimit Evropian, çmimet u rritën me 9.9 për qind gjatë kësaj periudhe, shkruan 20minuten.

---