Fun
Cili është njeriu më i pasur në planet?
Bashkëthemeluesi i "Microsoft", Bill Gates, sërish është në krye të listës së miliarderëve më të pasur në botë, sipas revistës "Forbes", përcjell albinfo.ch.
Gates kryeson listën me një pasuri të vlerësuar prej 86 miliardë dollarësh, i ndjekur nga kreu i “Berkshire Hathaway”, Warren Buffett, me një pasuri të vlerësuar prej 75.6 miliardë dollarësh.
Lista e njerëzve më të pasur në botë dominohet nga amerikanët, shumë prej të cilëve punojnë në industrinë e teknologjisë, duke përfshirë themeluesin e “Amazon”, Jeff Bezos, që ka pozitën e tretë, themeluesi i “Facebook”, Mark Zuckerberg, në vendin e pestë dhe bashkëthemeluesi i “Oracle”, Larry Ellison, i cili është i shtati.
“Numri i miliarderëve në botë u rrit me 13 për qind vitin e kaluar, në 2,043 njerëz, rritjen më të lartë vjetore në 31 vjetët e fundit, kur revista filloi ta hartojë këtë listë”, tha “Forbes”.
Thuhet se miliarderët më të shumtë janë në SHBA, 565, si rezultat i rritjes së vlerës së bursës së SHBA-së pas fitores së Trump-it në zgjedhjet presidenciale në nëntor të vitit 2016, Kina është e dyta me 319 miliarderë, ndërsa Gjermania është në vendin e tretë, me114.
Vetë Trump, megjithatë ra me 220 vende në listë dhe tani zë vendin e 544-t me një pasuri të vlerësuar prej 3.5 miliardë dollarësh.
“Dyzet për qind e pasurisë së Donald Trump ka të bëjë me “Trump Tower”, tetë ndërtesa brenda një milje përreth ndërtesës”, thotë “Forbes”.
Ndër të tjera në 10 vendet e më të pasurve në listë është edhe Amancio Ortega, pronari i veshjeve spanjolle zinxhirë “Zara”, e cila është e katërta, e ndjekur nga manjati meksikan i telekomit, Carlos Slim, në vendin e gjashtë, vëllezërit Koch, Charles dhe David, janë në vendin e tetë dhe të nëntë dhe i dhjeti është një ish-kryebashkiak i Nju-Jorkut dhe themelues i “Bloomberg”, Michael Bloomberg.
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë