Cili është vendi më i varfër në Evropë

Kompania analitike Growth from Knowledge (GfK) përpiloi një vlerësim të vendeve evropiane

Kompania analitike Growth from Knowledge (GfK) përpiloi një vlerësim të vendeve evropiane sipas fuqisë blerëse të popullatës.

Në listën e 42 vendeve, Ukraina renditet e fundit, sipas ueb faqes së organizatës. Sipas analizës, Lihtenshtajni zuri vendin e parë me një fuqi blerëse për frymë 67,550 euro, 4.5 herë më e lartë se mesatarja evropiane (14,739 euro) raporton Telegrafi.

Në vendin e dytë dhe të tretë janë Zvicra (40,000 euro) dhe Luksemburgu (35,000 euro).

Autorët e studimit nuk llogaritën fuqinë blerëse të banorëve rusë. “Gjashtëmbëdhjetë shtete të konsideruara në studim kanë fuqi blerëse për frymë mbi mesataren, ndërsa 26 vende me një tregues nën mesataren evropiane”, thuhet në studim.

Tri vendet e fundit janë Moldavia, Kosova dhe Ukraina. Sipas kompanisë, fuqia blerëse e ukrainasve është 1,830 euro për frymë, përcjell Albinfo.ch.

 

---