Lajme
Çka ndodhi sot me “Twitter”-in?
Twitter sot lajmëroi se hakerat kishin hyrë në sistemet e saj të brendshme për të rrëmbyer disa llogari të personave të famshëm në platformë, përfshirë kandidatin për president të SHBA-së, Joe Biden, yllin e realitetit TV Kim Kardashian, ish-presidentin e SHBA-së, Barack Obama dhe miliarderin Elon Musk.
Twitter tha se punonjësit me qasje në sistemet e saj të brendshme ishin shënjestruar me sukses nga hakerat, të cilët “e përdorën këtë qasje për të marrë nën kontroll shumë llogari në emër të tyre”.
“Ne po shohim se çfarë aktiviteti tjetër të qëllimshëm mund të kenë kryer ose informacione që ata mund të kenë qasur dhe do të ndajmë më shumë”, tha ndërmarrja.
Twitter përkohësisht ndërmori hapin e jashtëzakonshëm për të parandaluar për disa orë të paktën disa llogari të verifikuara nga ‘botimi’ i mesazheve.
Shefi ekzekutiv, Jack Dorsey, më herët tha se kompania po merret me problemin dhe u zotua të ndajë “gjithçka që mundemi kur të kemi një kuptim më të plotë të asaj që saktësisht ka ndodhur”.
“Ditë e vështirë për ne në Twitter. Të gjithë ne ndjehemi të tmerrshëm se kjo ndodhi”, tha ai përmes një cicerime, shkruan “Reuters”, përcjell albinfo.ch.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?