Fotolajmi
Çmimet e ushqimit, në nivelin më të ulët në pesë vjetët e fundit
Indeksi i çmimeve të shportës së ushqimeve ka shënuar rënie në prill për 1.2 për qind në krahasim me muajin e mëparshëm, ose 171 pikë, nivelin më të ulët që prej qershorit 2010.
Në baza vjetore ky indeks është ulur me 19.2 për qind. Shporta e ushqimit përfshin drithëra, qumësht, produktet e qumështit, vajra bimore dhe sheqerin.
Më së shumti kanë shënuar rënie në prill çmimet e qumështit dhe produkteve të qumështit me 6.7 për qind nga muaji mars. Në FAO e interpretojnë si një fillim i favorshëm i sezonit në Bashkimin Evropian dhe heqjen e kuotave të qumështit dhe në pritje të eksporteve të forta.
Po ashtu janë liruar çmimet dhe të sheqerit dhe drithërave 1.3 për qind në krahasim me muajin e mëparshëm, si dhe vajra bimore për 1 për qind.
Në FAO kanë parashikuar vazhdimin e trendit të rënies së çmimeve, duke pasur parasysh ofertat e mëdha dhe dollarin e fortë amerikan.
“Kurset e këmbimit valutor dhe trendet makroekonomike përsëri mund të ndikojnë në mënyrë të konsiderueshme në tregjet në sezonin 2015-2016,” thuhet në raport të agjencisë.
FAO ka vlerësuar gjithashtu se në vitin 2015 në botë do të prodhohen 1.5 për qind më pak drithëra në krahasim me vitin e kaluar, një total prej 2509 miliardë tonë.
Rënia e parashikuar e prodhimit është bazuar nga sipërfaqet e mbjella me misër që do të ndikojnë në reduktimin e rezervave “jashtëzakonisht të larta”.
Trendet në prodhimin e qumështit dhe produktet e qumështit parashikojnë rritjen e mëtutjeshme të prodhimit për rreth 2 për qind këtë vit, dhe një përqindje e ngjashme me rreth 1.3 për qind duhet të rritet dhe prodhimi i mishit.
Prodhimi i sheqerit megjithatë, sipas vlerësimeve nga ana e FAO-s duhet të mbetet praktikisht i pandryshuar në krahasim më 2014-ën.
Të tjera nga Fotolajmi
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim