Bota

CNN: Qyteza italiane, me pamje mahnitëse, që jep banesa falas

CNN ka bërë të ditur se një qytezë në Itali jep banesa falas për të afruar popullsi të re, por me disa kushte.

Kjo qytezë quhet Kamarata, në ishullin e Siçilisë, vend me shumë ndërtesa boshe. Kryebashkiaku Vincenzo Giambrone ka bindur pronarët e banesave që të dorëzojnë çelsat, në mënyrë që ky vend të ripopullohet.

Kushti është që banesat të rinovohen, ndërsa për çiftet që kanë një fëmijë, do të ketë para bonus.

Banorët e rinj duhet të paguajnë 5 mijë euro, si depozitë dhe ta rinovojnë shtëpinë brenda tri vjetëve. Pasi të jetë kryer rinovimi, 5 mijë euro do të kthehen, ndërsa për çiftet që kanë fëmijë, do të kenë 1 mijë euro bonus.

Kryebashkiaku tha për CNN Travel: “Nuk e shikoj dot bosh këtë vend të mrekullueshëm dhe historik, më lëndon shumë”, përfundoi ai, përcjell albinfo.ch.