Lajme
Covid-19 po bëhet më i ‘aftë’ të transmetohet përmes ajrit
Virusi që shkakton COVID-19 mund të jetë duke u bërë më i aftë për sa i përket lëvizjes dhe përhapjes me anë të ajrit, sugjeron një studim i ri.
Studiuesit zbuluan se pacientët e infektuar me variantin Alpha të këtij virusi – varianti më i përhapur në kohën kur u bë ky studim – shkarkonin në ajër 43 deri në 100 herë më tepër virus se sa njerëzit e infektuar me versionin origjinal të coronavirus-it.
Një shkaktar i rëndësishëm ishte fakti që pacientët e infektuar me Alpha kishin më tepër sasi të virusit në hundë dhe pështymë, transmeton Euronews, përcjell Albinfo.ch.
Ky studim zbuloi gjithashtu se maskat e mbajtura nga pacientët me raste të lehta të COVID-19, mund ta ulnin sasinë e grimcave që mbartnin virus në ajër me rreth 50%.
“Ne e dimë që varianti Delta që po qarkullon tani është edhe më ngjitës se sa varianti Alpha,” – u shpreh autori Don Milton nga Universiteti i Maryland.
‘Qasje me disa shtresa’ për të luftuar COVID
Gjatë fazave të hershme të pandemisë, besohej se COVID-19 transmetohej vetëm me anë të kollës dhe teshtitjes dhe ai nuk trajtohej si një virus që transmetohej me anë të ajrit.
Por sipas autorëve të këtij studimi, sasia e virusit në aerosolët e çliruara në ajër nga pacientët e infektuar është gjithnjë duke u shtuar.
Për një mbrojtje më të mirë kundër COVID-19, studiuesit rekomandojnë një “qasje me disa shtresa”, e cila përfshin vendosjen e maskave, ventilimit më të mirë, vaksinimit, filtrimit dhe përdorimit të dezinfektueseve që pastrojnë ajrin me rreze Ultraviolet.
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane