Lajme
COVID dhe gripi në bashkëqarkullim, OBSh bën thirrje për kujdes
Gripi, COVID-19 dhe viruset e tjera respiratore do të jene në bashkëqarkullim këtë vjeshtë-dimër. Në këto kushte Organizata Botërore e Shëndetësisë shprehet se kjo është shqetësuese, pasi rreziku për forma të rënda tek grupet e riskut rritet dhe kjo çon në mbingarkesë të sistemeve shëndetësore.
Për të përballuar këtë sezon i cili ka nisur të rrisë numrin e të infektuarve, OBSH rekomandon që të bëhet kujdes pikërisht për grupet e riskut.
Ekspertët janë të mendimit se të moshuarit, personat me sëmundje kronike dhe gratë shtatzëna janë në rrezik më të lartë të zhvillimit të sëmundjeve të rënda për shkak të COVID-19, gripit dhe sëmundjeve të tjera respiratore, ndaj ata rekomandojnë injektimin e doza përforcuese kundër COVID-19 si dhe vaksinës së gripit.
Të rrezikuar për t’u infektuar me COVID-19 dhe grip janë edhe punonjësit e shëndetësisë, ndaj sipas OBSH duhet të jenë ndër të parët që vaksinohen.
Po ashtu ekspertët kërkojnë që edhe fëmijët e moshës nën 5 vjeç të vaksinohen kundër gripit, pasi janë në rrezik më të lartë të gripit të rëndë ose komplikimeve.
Pavarësisht nëse është COVID-19 ose grip, vaksinat shpëtojnë jetë. Ato mbeten mënyra më e mirë për të luftuar këto sëmundje, duke parandaluar sëmundje të rënda apo vdekje.
OBSH deklaron se COVID-19 mbetet ende një kërcënim. Në 53 Shtetet anëtare të rajonit evropian të OBSH-së, virusi pandemik vazhdon të shkaktojë infeksione, shtrime në spital dhe vdekje/euronews
Të tjera nga Lajme
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n