Lajme

Cyrihu vaksinon njerëzit pa letra dhe të pastrehë, në mënyrë joburokratike

Është e rëndësishme që edhe njerëzit në margjinat e shoqërisë sonë të mund të marrin kujdesin e duhur mjekësor gjatë pandemisë

Qyteti i Cyrihut është duke u ofruar të huajve pa dokumente (sans-papiers), njerëzve të pastrehë, punëtoreve të seksit dhe njerëzve të tjerë pa qasje të rregullt në kujdesin shëndetësor mundësinë për t’u vaksinuar kundër Covid-19, shkruan sda.ch.

Kjo mundësi do t`u jepet duke filluar nga mesi i qershorit.

Qasja në vaksinim duhet të jetë sa më pak burokratike që të jetë e mundur, transmeton albinfo.ch.

Për këtë arsye, qyteti i Cyrihut ka njoftuar të enjten se klinika ambulatore në Kanonengasse e shërbimit mjekësor të qytetit do të operojë ofertën e vaksinimit pa shumë komplikime.

Dozat e kërkuara të vaksinimit po sigurohen nga kantoni.

“Është e rëndësishme që edhe njerëzit në margjinat e shoqërisë sonë të mund të marrin kujdesin e duhur mjekësor gjatë pandemisë. Këtu përfshihet edhe vaksinimi kundër koronës”, citohet të ketë thënë këshilltari i qytetit Andreas Hauri, i cili drejton departamentin e shëndetit dhe mjedisit.


LAJME INTERESANTE NGA INTERNETI