Danezët, më të pasur se kurrë

Pas gati pesë vjetësh me norma negative të interesit, familjet në Danimarkë janë më të pasura se kurrë. Danezët po i depozitojnë paratë e tyre në banka, që sipas të dhënave të Bankës Qendrore, janë rritur deri në 812.3 miliardë krona (117.1 miliardë dollarë) në dhjetor.

Sipas bankës komerciale “Nykredit”, është niveli më i lartë në 16 vjetët e fundit. Shuma është një rekord, kur rregullohen sipas inflacionit dhe faktorëve sezonalë, shkruan “Bloomberg”, përcjell albinfo.ch.

“Danezët janë të lumtur për rritjen mbresëlënëse të pagave reale”, tha Strummer Torre, ekonomisti kryesor në “Nycredit”. Sipas tij, normat negative të interesit përkuan me një rritje të qëndrueshme të punësimit dhe të tregut të patundshmërive. Përveç bankave komerciale, që kanë ruajtur normat negative të interesit për konsumatorët.

Sipas Strummer, çdo danez, burrë, grua, fëmijë dhe foshnjë, ka të depozituar 21 mijë dollarë.

Ka edhe raporte se për shkak të nivelit rekord të mirëqenies, danezët kanë filluar për të reduktuar raportin mes borxhit dhe të ardhurave që në Danimarkë është më e larta në mesin e ekonomive të pasura. Për herë të parë që prej vitit 2009 përqindja e pronarëve të shtëpive që kanë paguar hipotekat e tyre është më e madhe se ajo e njerëzve, të cilët ende nuk e kanë shlyer vetëm interesin.