De Biasi, zëvendësues i Contes

Përzgjedhësi i Shqipërisë, Gianni De Biasi është ndër emrat më të përfolur për të zëvendësuar Antonio Conte në stolin e Italisë. Lajmin e bëjnë të ditur mediat italiane, që shkruajnë se De Biasi është ndër kandidatët më favoritë për të zëvendësuar Conten, i cili sezonin e ardhshëm do të merr drejtimin e Chelseat, shkruan albinfo.

Presidenti i Federatës Italiane të Futbollit, Carlo Tavecchio është takuar më parë me De Biasin, kurse suksesi i arritur me Shqipërinë ka bërë që ai të pëlqehet shumë në Itali për të marrë drejtimin e “Azzurrëve”.

Kandidatët tjerë siç shkruan “Footballitalia” janë edhe Fabio Capello, Claudio Ranieri dhe Roberto Donadoni. De Biasi ka punuar edhe më herët klubet italiane dhe i njeh shumë mirë lojtarët. 59-vjeçari arriti që për herë të parë ta kualifikojë Shqipërinë në “Euro 2016”.