Delegacioni maqedonas, i impresionuar nga Kryqi i Kuq zviceran

Kryqi i Kuq i Maqedonisë planifikon së shpejti të vendosë një sistem të thirrjes emergjente për të moshuarit, ashtu siç Kryqi i Kuq i Aargaut e ka ofruar me sukses për më shumë se 30 vite

Dy përfaqësuese të Kryqit të Kuq të Maqedonisë, javën e kaluar e kanë vizituar Kryqin e Kuq të Aargaut në Zvicër, për tu njohur me sistemin lokal të thirrjeve emergjente. Ato duan që këtë mënyrë ta zbatojnë së shpejti edhe në vendin e tyre.

Kryqi i Kuq i Maqedonisë planifikon së shpejti të vendosë një sistem të thirrjes emergjente për të moshuarit, ashtu siç Kryqi i Kuq i Aargaut e ka ofruar me sukses për më shumë se 30 vite. Për përgatitjen optimale të kësaj mënyre, dy përfaqësuese të Kryqit të Kuq të Maqedonisë, javën e kaluar kanë vizituar Kryqin e Kuq të Aargaut në Zvicër.

“Sa thirrje emergjente janë marrë për çdo ditë? Sa shpesh duhet të thirret ambulanca? Cila është mosha mesatare e shfrytëzuesve të emergjencës? “. Suzana Tuneva Punovska ka parashtruar shumë pyetje, në lidhje me shërbimin që ajo dëshiron t’ua bëjë bashkatdhetarëve të saj si menaxhere e Kryqit të Kuq rajonal në Shkup, shkruan “Aargauer Zeitung”, njofton Albinfo.ch.

Ajo dhe kolegia e saj Ljupka Petkovska, koordinatore e Kryqit të Kuq Kombëtar të Maqedonisë, në Aarau kanë marr njohuri të rëndësishme prapa skenave të shërbimit. Me këtë rast, Bruna Müller, e cila e kryeson ekipin e Kryqit të Kuq të Aargaut për më shumë se shtatë vite, u ka dhënë edhe këshilla të vlefshme: “Përpos gjithë teknologjisë që mund të jetë gjëja më e rëndësishme, nuk duhet t`i harrojmë edhe njerëzit”, thotë ekspertja zvicerane. “Jo vetëm që ne sigurojmë një telefonatë emergjente, gjithashtu kujdesemi për këshillat, instalimin dhe një shërbim personal në vendngjarje”.

Dy delegatet janë impresionuar nga profesionalizmi i Kryqit të Kuq të Aargaut. “Kjo vizitë na ka ndihmuar të kuptojmë më mirë sistemin kompleks pas emergjencës së Kryqit të Kuq dhe të njihen me oferta të tjera të mrekullueshme të ndihmës, të tilla si dispeçere të Kryqit të Kuq”, tha Tuneva Punovska, duke i falënderuar mikpritësit. Një ditë tjetër, ajo dhe kolegia e saj kanë udhëtuar me Kryqin e Kuq zviceran, i cili e ka organizuar udhëtimin si pjesë e bashkëpunimit ndërkombëtar.

---