Bota
Burgim të përjetshëm infermierit gjerman që vrau 85 pacientë
Me burgim të përjetshëm është dënuar një ish-infermier gjerman, që kishte vrarë 85 pacientë ndërmjet viteve 1999 dhe 2005.
Gjykatësi Sebastian Buehrmann e përshkroi si të pashpjegueshme mizorinë e Niels Högelit.
Ai ka zbatuar doza vdekjeprurëse të mjekimit të zemrës te pacientë që ishin nën kujdesin e tij.
Të dhënat në spitale tregojnë se përqindja e vdekjeve ishte dyfishuar kur Högel ishte në detyrë, transmeton albinfo.ch.
Ai besohet të jetë vrasësi më i madh në historinë moderne të Gjermanisë.
Prokurorët thanë se ai sulmoi pacientët me qëllim që t’u linte përshtypje kolegëve duke u përpjekur t’i ringjallte më pas.
Në ditën e fundit të gjykimit të tij, Högel, 42-vjeçar, u kërkoi falje familjeve të viktimave të tij për veprimet e tmerrshme.
Högel ishte akuzuar për vrasjen e 100 pacientëve në qytetet Delmenhorst dhe Oldenburg.
Högel kishte pranuar 55 vrasje, ndërsa gjykata në Oldenburg e dënoi për 85 sosh.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe