Deri në 5.5 milionë dollarë, një qafore me diamante në Zvicër

Një qafore me diamante prej 76 karatësh, pritet të shitet për më shumë se 4 milionë dollarë.

Kjo mund të ndodhë kur kjo bizhuteri e çmuar të dalë në shitje, në një ankand të organizuar nga Sotheby.

“25 vjet më parë, kur ne e shitëm, thamë se ishte diamanti emerald më i mirë që ka ekzistuar ndonjëherë”, deklaroi për reuters David Bennett, udhëheqës i ankandeve të Sotheby për bizhuteri, transmeton albinfo.ch.

Kjo qafore e veçantë ishte krijuar dhe dedikuar për filantropen amerikane, Helene Beaumont.

Shtëpia e ankandeve ‘Sotheby’ shpreson që ta shesë edhe një tjetër bizhuteri historike gjatë një ankandi që pritet të mbahet këtë muaj.

Ndërsa, me tërë elementët përcjellës, kjo qafore pritet të arrijë ndërmjet 4.5 dhe 5.5 milionë dollarë. Ankandi organizohet më 14 maj, në Mandarin Oriental Hotel në Gjenevë të Zvicrës.