Kosovë: Dështim i votimit nga diaspora

vetëm 1.500 qytetarë kanë votuar në zgjedhjet e fundit nga diaspora shqiptare, derisa mbi 10 mijë qytetarë të komunitetit serb e kanë shfrytëzuar këtë të drejtë

Në organizim të Ministrisë së Diasporës dhe Institutit “Demokraci për Zhvillim” (D4D) është mbajtur një takim me temë “Votimi jashtë Kosovës”. Aty është ngritur si shqetësim pjesëmarrja shumë e ulët e diasporës në dy palë zgjidhet e fundit në Kosovë.

Sipas Adnan Rrustemit nga KQZ-ja, vetëm 1.500 qytetarë kanë votuar në zgjedhjet e fundit nga diaspora shqiptare, derisa mbi 10 mijë qytetarë të komunitetit serb e kanë shfrytëzuar këtë të drejtë, raporton televizioni Arta.

Zyrtarë të D4D thanë se modeli i votimit nga diaspora me poste është edhe një prej shkaqeve të pjesëmarrjes së ulët.

U kërkua nga të pranishmit se për pjesëmarrje masive nga diaspora duhet ketë votim fizik ose me postë elektronike

Po ashtu u tha se ka dështim shtetëror për organizimin e zgjedhjeve në diasporë.