Dështim teknik në hapësirën ajrore britanike, kufizime në fluturime

pixabay

Hapësira ajrore britanike është prekur nga një dështim teknik, deklaroi ofruesi kryesor i shërbimit të kontrollit të trafikut ajror të vendit.

Shërbimet Kombëtare të Trafikut Ajror (NATS) thanë se po përjetonin një “problem teknik” dhe kanë zbatuar kufizime të qarkullimit të trafikut për të ruajtur sigurinë.

“Aktualisht jemi duke përjetuar një problem teknik dhe kemi zbatuar kufizime të qarkullimit të trafikut për të ruajtur sigurinë. Inxhinierët po punojnë për të gjetur dhe rregulluar defektin. Kërkojmë ndjesë për çdo shqetësim që mund të shkaktojë”, thuhet në një deklaratë, transmeton dpa, përcjell albinfo.ch.

Ndërkohë, linja ajrore Loganair ka paralajmëruar klientët se vonesat mund të ndodhin si një “dështim në gjithë rrjetin” që ka prekur sistemet e kontrollit të trafikut ajror të hënën në mëngjes.

Linja ajrore me bazë në Glasgow postoi në X, dikur Twitter: “Kishte një dështim në gjithë rrjetin në sistemet kompjuterike të kontrollit të trafikut ajror në Mbretërinë e Bashkuar këtë mëngjes”.