Kosova

Dështon tentimi i Veselit për rezolutën e dialogut

“Kosova duhet të ketë një qëndrim dhe pozicion rreth dialogut Kosovë Serbi”, ka thënë kryetari i Kuvendit të Kosovës, Kadri Veseli, pas takimit, i cili zgjati rreth një orë e gjysmë, i thirrur për të arritur një konsensus për rezolutën për dialogun Kosovë-Serbi.

 

Ka dështuar tryeza e thirrur nga kreu i PDK-së, Kadri Veseli, i thirrur për draf-rezolutën për dialogun, pasi nuk morën pjesë LDK-ja e VV-ja.

“Kosova duhet të ketë një qëndrim dhe pozicion rreth dialogut Kosovë Serbi”, ka thënë kryetari i Kuvendit të Kosovës, Kadri Veseli, pas takimit, i cili zgjati rreth një orë e gjysmë, i thirrur për të arritur një konsensus për rezolutën për dialogun Kosovë-Serbi.

Veseli shtoi se Kosova nuk duhet t’i lejojë Vuçiqit të tregojë fuqi më shumë në këtë proces, derisa ka theksuar se rezoluta e propozuar i përfshin të gjitha që janë përmendur nga opozita dhe pozita. Edhe një herë Veseli u bëri thirrje LDK-së dhe Vetëvendosje që t’i bashkohen kësaj nisme.

“Është gabim historik që me ndarjen tonë t’i japim hapësirë Serbisë që të flasë në emrin tonë. Ne duhet të jemi bashkë, është i pashmangshëm konsensusi ynë”, ka thënë Veseli.

Por Dardan Sejdiu nga PSD ka thënë se kjo rezolutë e propozuar nga koalicioni qeverisës nuk i plotëson as kriteret minimale të përmbajtjes. Ndërsa Mimzoa Kusari-Lila nga Alternativa theksoi se nëse nuk arrihet një konsensus, atëherë vendi duhet të shkojë në zgjedhje, pasi që, sipas Kusari Lilës, nuk mund të mbahen të bllokuara institucionet në këtë mënyrë.