Shqipëria
Destinacionet e reja turistike në Shqipëri
Ndërkaq, është parë me përparësi edhe krijimi i rrjetit të festave lokale, ku sipas Klosit, këto të fundit shërbejnë edhe si mundësi për të tregtuar produktet lokale
Derisa mediat e huaja çdo ditë e më shumë po referojnë Shqipërinë si një vend me potencial turistik të lartë, ministri i Turizmit të Shqipërisë, Bledi Klosi ka zbuluar disa nga destinacionet më të spikatura të këtij sezoni, çka sipas tij do të tërheqë me mijëra turistë.
Klosi deklaroi se falë një plani të mirëmenduar nga ana e Ministrisë së Turizmit dhe Mjedisit ekziston mundësia për ngritjen e resorteve turistike, shkruan ‘ATSH’.
Sipas tij, veriu i Shqipërisë ka mundësi ideale për zhvillimin e resorteve turistike, plazhi i Adriatikut, Velipojës, Shëngjinit, që janë të paprekura e që me hapësirat e tyre ofrohen si destinacione të zhvillimit të resorteve me kapacitete të mëdha, përcjell albinfo.ch.
“E kemi ndarë mundësinë e zhvillimit të turizmit në 4 pole. Së pari, Adriatiku nga Karaburuni në grykëderdhjen e Bunës ku mund të zhvillohet turizmi familjar. Zonë unikale me kaq shumë plazhe me rërë që mund të transformohen në resorte familjare. Poli i dytë është Jugu, ku politika jonë e turizmit në Rivierë duhet të kombinohet me politikat tona të agroturizmit. Në pellgun Berat, Gjirokastër, Përmet, Sarandë, Vlorë mund të zhvillohen edhe aktivitete agropërpunuese. Poli i tretë unik që duhet të reklamohet janë Alpet. Poli i katërt, Tirana si kryeqytet”, është shprehur Klosi.
Ndërkaq, është parë me përparësi edhe krijimi i rrjetit të festave lokale, ku sipas Klosit, këto të fundit shërbejnë edhe si mundësi për të tregtuar produktet lokale. Ai bëri të ditur se bashkë me Ministrinë e Bujqësisë është ngritur edhe një festival kulinarie nga veriu në jug.
Të tjera nga Shqipëria
E-Diaspora
-
Hapet në Toronto Java e Kulturës së Kosovës Mbrëmjen e së shtunës në Toronto është hapur Java e Kulturës së Kosovës në Kanada me...
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
-
Kryediplomati shqiptar, Igli Hasani, takon homologun e tij nga Zvicra, Ignazio Cassis
Jeta në Zvicër
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër” Nën realizimin e Konsullatës së Republikës së Kosovës në Cyrih këtë fundjavë është zhvilluar seminari me...
-
Valais: Dy turistë vdesin si pasojë e një orteku, i treti mbijetoi
-
Paraqitet si kroat, me pasaportë false – burgoset muratori nga Kosova
-
Si u bë Zvicra vendi nga ku rrjedh qumështi dhe çokollata
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim