Maqedonia
Detaje nga vrasja e trefishtë në Dibër
Sipas informacioneve të qytetarëve të Dibrës, vrasësi mund të jetë i afërmi i të vrarëve (burri i motrës së A.P.), për arsye banale, pasi janë fjalosur për të gjetur një zgjidhje për rrugicën që ka kaluar mes shtëpive të tyre
Prokuroria Themelore e Gostivarit ka nisur hetimet në shtëpinë private në Dibër, ku janë gjetur të pajetë tre anëtarë të një familjeje.
Sipas informacioneve paraprake, siç njoftojnë nga Prokuroria Publike, bëhet fjalë për një vrasje të trefishtë, ndërsa viktimat janë nga një familje, burrë e grua dhe vajza e tyre në moshën 13-vjeçare, të cilët përkohësisht kanë jetuar në Itali. Autorët tani për tani nuk dihen, përcjell Telegrafi Maqedoni.
Prokurori publik kompetent është në terren dhe po punon për të zbuluar autorin dhe për të përcaktuar motivet. Në këtë drejtim janë lëshuar një sërë urdhrash për mbledhjen e gjurmëve nga vendi, raporte të ekspertëve dhe kërkime, transmeton albinfo.ch.
Sipas informacioneve të qytetarëve të Dibrës, vrasësi mund të jetë i afërmi i të vrarëve (burri i motrës së A.P.), për arsye banale, pasi janë fjalosur për të gjetur një zgjidhje për rrugicën që ka kaluar mes shtëpive të tyre.
Kryefamiljari i ndjerë ka edhe dy fëmijë të rritur, të cilët jetojnë dhe punojnë në Itali, ndërsa në Dibër kishin ardhur për pushime verore.
Dy fëmijët e rritur para disa ditësh ishin kthyer në Itali, ndërsa të ndjerit kanë mbetur në Dibër edhe për disa ditë për një dasmë tek të afërmit e tyre, të cilët jozyrtarisht mësohet se e kanë njoftuar policinë për vrasjen.
Të ngjashme
Të tjera nga Maqedonia
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Pagat zvicerane rriten, por “u zbehën” nga inflacioni Ndërsa pagat në Zvicër u rritën vitin e kaluar, përfitimet u anuluan përsëri nga rritja e...
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta