Lajme

Dhjetë të hospitalizuar me COVID-19 në Kosovë, katër në gjendje të rëndë

E diel, 17 Maj 2020 - 13:25 albinfo.ch
(AP Photo/Jessica Hill)

Dhjetë persona janë të hospitalizuar me COVID-19 në Klinikën Infektive në QKUK, ndërsa katër prej tyre janë në gjendje më të rënduar, është njoftuar në raportin e QKUK-së.

Gjashtë nga të hospitalizuarit janë në gjendje stabile, dy janë me oksigjenoterapi e dy në mjekim intensiv.

Në klinikë po ashtu janë edhe pesë pacientë që po trajtohen, e që janë negativ në testin për COVID-19.

Që nga 13 marsi, kur janë paraqitur rastet e para, numri i të infektuarve me koronavirus në Kosovë ka mbërritur në 978, ai i të shëruarve 713, derisa 29 kanë vdekur, shkruajnë mediat shqiptare, përcjell albinfo.ch.

 Të tjera nga Lajme

Zvicër: Mungesë mjekësh për shkak të plakjes së popullsisë

 E-Diaspora

 Jeta në Zvicër