Diaspora për tre muaj dërgoi afro 240 milionë euro në Kosovë

Remitencat nga diaspora, kategoria më e madhe financiare e të ardhurave

pixbay.com

Trendi i dërgesave të parave nga diaspora kosovare apo remitencave ka shënuar rritje përgjat viteve, shkruan albinfo.ch.

Paratë e mërgimtarëve që janë dërguar në Kosovë janë një burim që siguron gjendje stabile ekonomike dhe sociale për shtetin e Kosovës.

Pa dyshim se remitencat në Kosovë paraqesin kategorinë më të madhe financiare në kuadër të llogarisë së të ardhurave dytësore dhe në këto dy vjet pandemie, ishte shtylla kryesore që ndihmoi vendin, shkruan albinfo.ch.

Duke qenë se të ardhurat nga diaspora kanë qenë përherë një ndihmë e madhe për ekonominë e Kosovës, viti 2022 po mbahet rekord i remitencave dhe kjo pritet që ende të shtohet deri në fund të këtij muaji.

Sipas raportit të fundit të lëshuar nga Banka Qendrore e Kosovës, vetëm në tremujorin e parë të këtij viti, vlera e remitencave ka qenë 238.5 milionë euro. /Albinfo.ch

LAJME INTERESANTE NGA INTERNETI