Diasporës së këtij shteti iu mundësua të votojë nga Gjermania

Diaspora e këtij vendi, shtylla kryesore e votave për zgjedhjet parlamentare

Referuar statistikave, Moldavia është vendi me nivelin më të lartë të varfërisë në Evropë dhe ngjashëm si Shqipëria dhe Kosova, ajo vuan nga korrupsioni i lartë dhe largimi i vazhdueshëm i të rinjve nga vendlindja, transmeton albinfo.ch.

Si pasojë, një pjesë e konsiderueshme e popullsisë moldave është me vendbanim jashtë vendit. Megjithatë, në dallim nga shqiptarët jashtë vendlindjes, diaspora moldave gëzon të drejtën e plotë të votës. Në dallim nga Shqipëria, Moldavia është në aspektin kyç të demokracisë, më e pasur se Shqipëria dhe Kosova.

Grupi më i madh për të cilin qeveria moldave është e shqetësuar dhe që përpiqet të kufizojë, është diaspora e Moldavisë.

Ata kanë arsyet e tyre. Sipas disa vlerësimeve, ka një milion moldavë që jetojnë jashtë – në krahasim me tre milionë që ende popullojnë vendin më të varfër të Evropës.

Në vitin 2016 diaspora moldave u mobilizua politikisht për herë të parë. Rreth 138,000 qytetarë jashtë Moldavisë shkuan në qendrat e votimit për të zgjedhur midis Igor Dodon, udhëheqës i Partisë pro-Kremlinit të Socialistëve dhe Maia Sandu, një nga dy udhëheqësit e bllokut të opozitës pro-BE të anëtarësimit ACUM, transmeton tutje albinfo.ch.

Në zgjedhjet presidenciale, moldavët rreth e rrotull botës, praktikuan të drejtën e tyre kushtetuese. Madje, sipas fondacionit “OpenDemocracy”, përqindjet vendimtare të votave të zgjedhjeve të djeshme pritet të varen nga dy faktorë kryesorë, njëri prej të cilëve është vota e diasporës, votë e cila e frikëson establishmentin aktual politik. Për ilustrim foto nga votimi i diasporës moldave sot në Gjermani.

Kjo votë luan një rol kyç në rritjen e llogaridhënies dhe presionin ndaj pushtetarëve për të reformuar edhe modernizuar vendin në hapa të njëjtë me aleatët perëndimorë. /Albinfo.ch

Foto ku shihen radhët e gjata për votime në shetin e Gjermanisë

---