Disa parti politike nisën një iniciativë në Cyrih për të kufizuar qiratë

pixabay

Disa parti politike nisën një iniciativë të mërkurën në Cyrih, duke kërkuar shtrëngimin e rregullave për qiratë e Airbnb në qytet, përcjell albinfo.ch.

Konkretisht, ata propozojnë që këto qira të kufizohen në 90 ditë në vit.

Arsyeja kryesore e kësaj mase është mungesa e madhe e banesave në qytet dhe zonat përreth. Aktualisht, rreth 6,000 apartamente përdoren si Airbnbs në Cyrih dhe nuk janë të disponueshme për qiramarrësit afatgjatë.

Sipas këshilltarit bashkiak Florian Utz, një nga nismëtarët e kësaj iniciative, qindra qiramarrës po detyrohen të largohen nga shtëpitë e tyre pasi pronarët i shndërrojnë ato në Airbnbs për të përfituar qira më të larta.

“Ne duhet ta ndalojmë këtë zhvillim,” deklaroi ai.

Gjeneva, Ticino, Vaud dhe qyteti i Lucernit tashmë kanë vendosur kufizime të ngjashme për qiratë afatshkurtra.