Ditë kombëtare zie në Zvicër: Ambasada e Shqipërisë në Bernë ul flamurin në gjysmë shtize

Ky akt simbolik përfaqëson një shprehje të qartë empatie dhe ndarjeje të dhimbjes me familjet e viktimave dhe me të prekurit tjerë nga tragjedia

Në shenjë respekti dhe solidariteti me popullin e Zvicrës, në Ditën Kombëtare të Zisë të shpallur pas tragjedisë së rëndë të ndodhur në Crans-Montana, Ambasada e Republikës së Shqipërisë në Bernë ka ulur flamurin kombëtar në gjysmë shtize.

Ky akt simbolik përfaqëson një shprehje të qartë empatie dhe ndarjeje të dhimbjes me familjet e viktimave, si dhe me të gjithë ata që janë prekur nga kjo ngjarje e rëndë, e cila ka tronditur opinionin publik zviceran dhe më gjerë.

Në një moment zie kolektive, gjesti i Ambasadës shqiptare riafirmon marrëdhëniet e mira dhe lidhjet e ngushta të miqësisë mes Shqipërisë dhe Zvicrës, si dhe solidaritetin njerëzor përtej kufijve shtetërorë. Në këto çaste të vështira, shprehen ngushëllimet më të sinqerta për familjet që kanë humbur të dashurit e tyre dhe mbështetje për të gjithë të prekurit nga kjo tragjedi.

 

---