Lajme
“Ditët e Kulturës Shqiptare” nisin edhe në Londër
Ministri Murati ia dorëzoi zyrtarisht çmimin për kontribut të veçantë për diasporën historianit dhe akademikun britanik, Sir Noel Malcolm
Ministria e Diasporës në bashkëpunim me Ambasadën e Republikës së Kosovës në Londër, kanë hapur zyrtarisht programin “Ditët e Kulturës Shqiptare” në Londër, të cilat do të zgjasin katër ditë.
Ministri i Diasporës, Valon Murati, bashkë me ambasadorin Lirim Greiçevci, ka pritur mysafirë dhe personalitete në Ambasadën e Kosovës në Londër për të hapur zyrtarisht këtë aktivitet.
Në fjalën e tij përshëndetëse, ministri Murati ka treguar përkushtimin e Ministrisë së Diasporës për ruajtjen dhe promovimin e kulturës në vendet ku jeton diaspora shqiptare.
Ministri Murati ia dorëzoi zyrtarisht çmimin për kontribut të veçantë për diasporën historianit dhe akademikun britanik, Sir Noel Malcolm. Me këtë rast, ministri Murati theksoi se ky çmim i jepet Sir Malcolmit në shenjë nderimi për kontributin e tij për çështjen shqiptare.
Malcolm tha se është i nderuar ta pranojë këtë çmim nga Ministria e Diasporës dhe se është kënaqësi të kontribuojë në zbardhjen e rolit të shqiptarëve jo vetëm në Ballkan, por edhe më gjerë.
Në ditën e parë të aktivitetit u shfaqën tre filma nga Kosova: Filmi dokumentar “117”, i regjisorit Besim Sahatçiu, ndërsa më pas filmat e metrazhit të shkurtër “Shok” dhe “Kanarinat e dinë”. Ditët e ardhshme do të jepet shfaqja “Sikur kjo të ishte shfaqje”, koncerti i Elina Dunit, si dhe do të hapet ekspozita e fotografit Fadil Berisha “Albanian Beuty”.
Ditët e Kulturës Shqiptare, që filluan dje, do të zgjasin deri më 4 dhjetor.
E-Diaspora
-
Robin Krasniqi fiton me pikë ndaj portugezit Jorge Silva Boksieri kosovar, Robin (Haxhi) Krasniqi, ka mposhtur portugezin Jorge Silva të shtunën, në meçin e zhvilluar...
-
Sot shfaqet në Cyrih filmi “The Land within”, i regjisorit Fisnik Maxville
-
Edi Rama e konfirmon: Më 12 maj jam në Athinë, nisim rrugëtimin e pranverës në diasporë
-
Kalabri - Itali
Gennaro Gattuso flet për rrënjët e tij në Kalabri
-
Gjermani
Iu dha lamtumira e fundit dje mërgimtarit nga Gjermania që humbi jetën në vendin e punës
Jeta në Zvicër
-
Rritje 293 për qind e studentëve të huaj në Universitetin e Cyrihut ETH-të në Cyrih dhe Lozanë duhet të kursejnë para. Këshilli Federal vendosi së fundmi uljen e...
-
Nëntë kilometra bllokim trafiku përpara tunelit Gotthard
-
A është e ligjshme djegia e flamurit të Zvicrës?
-
Pesë lajme të mëdha nga Zvicra, për të cilat duhet të dini këtë javë
-
Bazel: Politikanët po bëjnë thirrje për mbajtjen e fëmijëve larg celularëve