Dozat e para të vaksinës Pfizer, mbërrijnë në Danimarkë

Keystone

Dorëzimi i parë i vaksinës së koronavirusit Pfizer / BioNTech mbërriti në agjencinë shtetërore të sëmundjeve infektive të Danimarkës, sot herët në mëngjes, në pesë rajone të Danimarkës, transmeton albinfo.ch.

“Ne kemi pritur prej kohësh që të marrim këtë grup të parë vaksinash dhe për këtë arsye të jemi në gjendje t’i shpërndajm,” i tha drejtori i agjencisë Henrik Ullum agjensisë së lajmeve Ritzau të vendit.

“Absolutisht e mrekullueshme që tani së shpejti mund të synojmë një goditje të drejtpërdrejtë virusit,  duke e trajtuar atë në mënyrë aktive dhe duke imunizuar që të mos sëmureni.”

Dorëzimi i 9,750 dozave mbërriti me një kamion nga qendra e shpërndarjes së Pfizer në Belgjikë dhe do të ndahet në dërgesa më të vogla përpara se të dërgohen në rajone.

Banorët e parë danezë që marrin një dozë – të gjithë banorë të pesë shtëpive të ndryshme të kujdesit për të moshuarit — do ta marrin atë rreth orës 9 të mëngjesit të së dielës.

Në javën e ardhshme, Danimarka është vendosur të marrë edhe 38,025 doza të tjera, me rreth 48,000 doza në javë që do të dorëzohen.

Danimarka ka kërkuar doza të mjaftueshme për të vaksinuar 1.5 milion qytetarë danezë me vaksinën.

Autoritetet shëndetësore të Danimarkës synojnë të ofrojnë vaksinën për çdo qytetar mbi moshën 18 vjeç. Marrja e vaksinës është vullnetare.