Të tjera

Dramë në aeroport: Sportistet serbe evakuohen nga aeroplani, kërcënim për bombë

Dramë në aeroportin e Beografit

Skuadra e basketbollit të femrave të Serbisë kaloi një dramë të vërtetë në aeroportin e Beogradit “Nikola Tesla”.

Kjo për shkak se aeroplani në të cilin basketbollistet serbe ishin të vendosura, ishte evakuuar urgjentisht për shkak të paralajmërimit të një bombe, shkruan Zëri.info, përcjell albinfo.ch.

Aeroplani “Lufthansa”, në të cilin ishin vendosur basketbollistet e Serbisë, ishte duke u përgatitur për një fluturim në Frankfurt, por më pas u lajmërua se kishte brenda tij një bombë.

Udhëtarët në aeroplan u evakuuan urgjentisht.

Një ekip policor arriti urgjentisht në vendin e ngjarjes dhe aeroplani u zhvendos menjëherë 3000 metra larg.

Mbetet të shihet nëse ekipi i ekspertëve ka gjetur mjetin shpërthyes.