Muzikë
Köln: Dy aktivitete kulturore shqiptare për një mbrëmje
Në dy organizime të ndara: një mbrëmje letrare dhe një ekspozitë arti, u mblodhën një numër i madh dashamirësh të kulturës dhe artit
Të shtunën e kaluar Kölni frymoi shqip. Në dy organizime të ndara u mblodhën një numër i madh dashamirësh të kulturës dhe artit nga të gjitha pjesët e Gjermanisë e vlerësimet pozitive për këto dy organizime nuk kanë të ndalur.
Qysh në orët e hershme të mbrëmjes, në hapësirat e shtëpisë kulturore Alte Feuerwache, ishin mbledhur të rinj e të reja në mbrëmjen letrare “Diaspora Blues”, shkruan albinfo.ch. Autorja Elona Beqiraj dhe autori Fatbardh Kqiku lexuan nga veprat e tyre dhe diskutuan me publikun për përvojat e tyre nga më të ndryshmet si fëmijë migrantësh që jetojnë në mes botës shqiptare dhe asaj gjermane.
Vetëm disa kilometra më larg, në galerinë e shtëpisë Altes Pfandhaus, tashmë kishte filluar hapja e ekspozitës personale “KOD” e artistit Kamuran Goranci, nga kuratori Zeni Ballazhi i cili vlerësoi lartë punën e artistit Goranci.
“Të gjitha pikturat në këtë rast solemn janë të punuara mbi ndjeshmërinë dhe harmoninë, të cilat tani janë të pranishme dhe të koduara nga aspekti artistik, duke fiksuar përfundimisht realitetin, imazhet dhe emocionet e tij në strukturat e ëndërrave të tij” foli kuratori Ballazhi në fjalimin e tij hyrës për veprat të cilat mund të vizitohen deri me 16. Dhjetor.
As muzika nuk mungoi në këtë mbrëmje, skena e së cilës ishte e rezervuar për trion “Don’t Listen To Your Neighbors” nga Gjakova, të cilët e pasuruan këtë organizim me gati dy orë muzikë nga të gjitha trojet shqiptare.
Mimoza, Zana dhe Albana kishin ardhur enkas nge Berlini në këtë mbrëmje e cila si duket i kishte tejkaluar plotësisht pritjet e tyre. “Organizime si ky janë të rralla në Gjermani dhe shpresojmë që mos të presim gjatë deri në aktivitetet tjera si ky, që do të ishte mirë të organizoheshin edhe në qytete tjera”, u shprehën ato pa e fshehur entuziazmin e tyre për praninë në këtë organizim ku takuan edhe shumë bashkëmoshatarë nga vise të ndryshme gjermane.
Edhe mysafirët joshqiptarë u shprehën të kënaqur që ishin në këtë mbrëmje. Njëri nga ata tha: “Kam qenë disa herë në Kosovë dhe Shqipëri ku gjithmonë më ka lënë përshtpje mikpritja e njerëzve atje. Sonte, në qytetin tim, bashkëqytetarët e mi shqiptarë më ofrojnë jo vetëm mikpritje por edhe artin dhe kulturën e tyre. Me të vërtetë jam i impresonuar”.
Ndërsa organizatori, shoqata kulturore URACult e cila është aktive qe tetë vite në Disaporën në Gjermani, u nda i kënaqur me rezonancën shumë pozitive të mysafirëve të cilen e shohin si vërtetim për konceptin unik që e ndjek që nga themelimi i saj.
Por viti nuk përfundon me kaq për aktivistët kulturorë nga Köln-i. Si partnerë të Qendra Multimedia nga Prishtina dhe Teatrit të Dortmundit, ata janë të angazhuar në organizimin e shfaqjes teatrale “The Handke Project”, të autorit Jeton Neziraj dhe regjisores Blerta Neziraj.
Në shfaqjen që jepet më 16. Dhe 17. shjetor, marrin pjesë një grup aktorësh nga skena ndërkombëtare, ndër ta edhe: Arben Bajraktari, Adrian Morina e Verona Koxha.
E-Diaspora
-
Më 7 prill, edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar