Lajme
Dy gra kanë zyrtarizuar, edhe para ligjit, martesën e tyre në Mal të Zi
Kjo është hera e parë që ndodh një gjë e tillë në historinë e këtij shteti

Gratë, që kanë dashur të mbesin anonime, janë martuar në qytetin e Budvës më 25 korrik, sipas mediave lokale.
Një zyrtare e Budvës, Milijana Vukotiq Jellushiq, ka thënë se të dyja gratë janë nga Ballkani, mirëpo punojnë dhe jetojnë jashtë këtij territori.
Çështjet e preferencave seksuale dhe identitetit gjinor vazhdojnë të jenë problematike në Mal të Zi dhe rajon, ku Kisha Ortodokse dhe shoqëria konservatore kanë ndikim të konsiderueshëm, transmeton Rel, përcjell Albinfo.ch.
Ligji i Malit të Zi për “partneritet jetësor mes personave të gjinisë së njëjtë” është miratuar vitin e kaluar.
Qeveria ka pasur kohë deri më 15 korrik, për të bërë ndryshimet e nevojshme për të mundësuar bashkime të tilla ligjore.
Ish-partia në pushtet, Partia Demokratike e Socialistëve, ka drejtuar përpjekjet për të miratuar këtë ligj, pavarësisht kundërshtimeve të disa aleatëve të koalicionit.
Kjo parti nuk është më në pushtet.
Blloku i partive që tashmë janë në pushtet, Fronti Demokratik, ka kundërshtuar ligjin.
“Ndonëse Ligji për Partneritet Jetësor për personat e gjinisë së njëjtë, është miratuar një vit më parë, ende mbetet shumë për t’u bërë, që ai të zbatohet në tërësi”, ka thënë ministrja për Administratë Publike, Shoqëri dhe Media Digjitale Tamara Sërzentiq, përmes një postimi në Twitter.
Parada e parë e komunitetit LGBT (homoseksual, lesbike, biseksual dhe transgjinor) në Mal të Zi është mbajtur në Budvë më 2013, pavarësisht atmosferës së dhunshme.
LAJME INTERESANTE NGA INTERNETI
E-Diaspora
-
Gazeta zvicerane pyet: A po diskriminohen shqiptarët në Zvicër? Media në fjalë ka marrë si shkas për këtë artikull edhe rastin e kontrollimit të hollësishëm...
-
Garë diturie mes nxënësve të Shkollës Shqipe në Zvicër
-
Ambasadorët e tri shteteve konfirmojnë mbështetjen për Rrjetin e Bizneseve të Diasporës Shqiptare në Zvicër
-
Tre ambasadorët i japin mbështetje kryetarit të ri të LAPSH-it, Liburn Mehmetaj
-
Këtë fundjavë mbahet Albafestival 2022, organizatorët presin 20 mijë vizitorë
Jeta në Zvicër
-
Zvicra zbaton paketën e gjashtë të sanksioneve kundër Rusisë Masat, të vendosura nga BE në 3 qershor, hynë në fuqi në Zvicër në orën 18:00...
-
Berna dhe Parisi kërkojnë një marrëveshje afatgjatë ndërkufitare
-
Novartis do të largojë nga mbi 1 mijë punëtorë në Zvicër
-
Testet e koronës i kushtuan qeverisë federale mbi katër miliardë franga
-
Vala e gjashtë e Covid-it po përhapet në Zvicër