Lajme
Dy refugjatë afganë dalin nga kamioni i shtetasit të RMV, në mes të autostradës
Sipas hetimeve të deritashme, ekziston dyshimi se shoferi i kamionit kishte transportuar dy afganët, të fshehur në kamion, nga Serbia në Zvicër
Një person 58 vjeçar, shtetas i Maqedonisë së Veriut, i dyshuar si kontrabandues dhe dy të rinj që kishin hyrë ilegalisht në Zvicër janë arrestuar dje nga policia e kantonit të Cyrihut.
Kjo ka ndodhur në orët e hershme të mbrëmjes, të mërkurën: Ata u vunë re nga një shofer makine, gjatë një bllokimi të trafikut në autostradën A1 afër Dietikon ZH, shkruan SDA.
Pak para orës 18 të mbrëmjes, një shofer automjeti në daljen Urdorf Nord kishte vëzhguar se si dy burra po dilnin nga çatia e një rimorkioje të një kamioni, transmeton albinfo.ch. Më pas ata u larguan nga autostrada duke ecur në këmbë, ka raportuar policia kantonale e Cyrihut të premten.
Një patrullë e policisë është ndeshur me dy të rinj në një rrugë të afërme, pak kohë më vonë. Me atë rast, policia ka ndaluar dy afganët, 16 dhe 19 vjeçarë.
Një patrullë e dytë ka ndaluar kamionin sipas përshkrimit të dëshmitarit të përmendur dhe ka kapur shoferin 58-vjeçar nga Maqedonia e Veriut.
Sipas hetimeve të deritashme, ekziston dyshimi se shoferi i kamionit kishte transportuar dy afganët, të fshehur në kamion, nga Serbia në Zvicër, përcjell albinfo.ch.
Të tre personat e përmendur i janë dorëzuar prokurorit.
(Foto: Ilustrim)
Të ngjashme
Të tjera nga Lajme
E-Diaspora
-
Platforma“Made in Kosova” promovon potencialin ekonomik, kulturor e turistik Në ambientet e TechPark Prishtina, sot u përuruan këndi dhe platforma më e re “Made in...
-
Prime Travel, partneri juaj i udhëtimeve
-
A mendoni se vetëm 400 mijë shqiptarë janë në diasporë?
-
Presidentja Osmani: Regjistrohuni, mërgimtarë!
-
Shqiptarja Mira Murati prezanton modelin e përditësuar të ChatGPT
Jeta në Zvicër
-
Përhapet mushkonja tigër: Zbulohen dy lloje në Aargau Mushkonja tigër është një specie e huaj dhe pushtuese nga Azia Juglindore. Është shumë e zakonshme...
-
Sipas monitorimit të çmimeve, në këto dyqane po shiten produktet më shtrenjtë
-
Olaf Scholz: Në Zvicër ne nuk do të negociojmë përfundimin e luftës në Ukrainë
-
BE-ja miraton paktin për migracionin, konsiderohet se ka pasoja për Zvicrën
-
Prime Travel, partneri juaj i udhëtimeve