Integrimi

Dy shqiptarë kandidojnë për CVP-në në Asamblenë e Vilit

Kandidatët janë: Suzana Munishi dhe Prend Berisha. Ky i fundit është i njohur edhe për kandidimet e mëparshme në nivel kantoni dhe shteti

E Hënë, 2 Maj 2016 - 9:20 albinfo.ch

Partia Popullore  e Krishterë (CVP/PDC) për qytetin Wil të Kantonit St. Gallen ka publikuar kandidatët e vet për zgjedhjet për Asamblenë e qytetit, të cilat mbahen në vjeshtën e këtij viti.

Në rrethana të vështirësuara, pasi që asambleja është zvogëluar, nga 45 anëtarë sa kishte tash do t`i ketë 40 sish, CVP ka nominuar 20 kandidatë, prej tyre 5 gra. Ajo synon që t`i zë së paku 10 vende ndërsa i synon 12 deri 13, shkruan infowil.ch.

Në mesin e këtyre 20 kandidatëve janë edhe 2 shqiptarë. Fjala është për Prend Berishën, një politikan i ri, nëpunës me profesion dhe Suzana Munishin, amvise dhe asistente dentale, transmeton albinfo.ch.  Berisha është i njohur pasi që më parë ka kandiduar edhe për një eved në Parlamentin Nacional dhe në atë kantonal, ndërsa Suzana Munishi deri tash nuk ka qenë e njohur për angazhime politike.

 Të tjera nga Integrimi

Shqiptari Alijaj do garojë për Dhomën e Këshillit në Zvicër, përkundër sëmundjes

 E-Diaspora

 Jeta në Zvicër