Dy shtëpi ndërtohen për festën e Bajramit

Dy shtëpi janë inauguruar, ku donatorë është Shoqata humanitare “Drita” me seli në Londër

Shoqata humanitare “Drita” me seli në Londër, ka përuruar në natën e Kurban Bajramit, për familjet e Kapllan dhe Asllan Qerkezit dy shtëpi të reja në Mitrovicë.

Të  pranishëm në ceremoninë inauguruese ishin kryetari i komunës Agim Bahtiri, drejtori i drejtorisë së Integrimeve Evropiane dhe Mirëqenies Sociale, Qazim Nimani, donatorët e shoqatës nga Londra, Mehdi Hoxha dhe  Hamit Kamberaj, si dhe qytetarët të tjerë të cilët në mënyrë simbolike, kanë prerë shiritin përurues të këtyre shtëpive.

Në fund kryetari Bahtiri, së bashku me drejtorin e Drejtorisë së Integrimeve Evropiane dhe Mirëqenies Sociale, Qazim Nimani, falënderuan përzemërsisht bashkatdhetarët në fjalë ku ndan edhe mirënjohje për ta.