E-Diaspora
E dhimbshme: Prindërit e kujtojnë Iljasin e vrarë në ditëlindjen e tij të 8-të
Sot, më 3 dhjetor, Iljasi ka ditëlindjen. Ai sot do të mbushte 8 vjet dhe me këtë rast prindërit dhe të afërmit e tjerë duan ta përkujtojnë
Më 21 mars të vitit të kaluar vogëlushi 7-vjeçar, Iljas Mahmuti, derisa po kthehej nga shkolla për në shtëpi, u vra pa asnjë shkas nga një grua e moshuar zvicerane. Akti i vrasjes së një fëmije në rrethana të tilla pati tronditur gjithë Zvicrën, por sigurisht humbja e Iljasit të vogël ka lënë në dhembje të përjetshme familjen e tij, prinderit dhe vëllain.
Sot, më 3 dhjetor, Iljasi ka ditëlindjen. Ai sot do të mbushte 8 vjet dhe me këtë rast prindërit dhe të afërmit e tjerë duan ta përkujtojnë. Ata duan kështu të ndajnë dhembjen me të gjithë ata që kanë bashkëndier me ta në momentet më të rënda.
Në vazhdim, letra e prindërve të Iljasit:
Ishte dita më e lumtur në jetën tonë kur ti linde. Ishe gëzimi ynë i parë dhe për babin e mamin nuk kishte gëzim më të madh se ky.
Sot i mbushe 8 vjet, e ne si të të urojmë, o bir! Patëm aq shumë ëndrra, u shuan të gjitha. Ike, as lamtumirë nuk na the. Oh Zot, na jep durimin, të morën nga ne, sepse ishe më i bukuri në botë. E ne të shkretët na le të vajtojmë gjithë jetën.
Biri ynë, ti sot e ke ditëlindjen! Me kë do ta festojmë, kujt do t`ia blejmë dhuratën e ditëlindjes tënde? Nuk mundemi më! Na e bëj hallall, o bir! Kërkojmë hallallin tënd të na e falësh.
Desha t`i ndez qirinjtë që ti t`u frysh, sepse për një çast nuk mendova se ti nuk jeton më, sepse ti nuk ke vdekur, ti je pranë nesh, pranë vëllait tënd. Vdekja jote na mbyti të gjithëve, por ne presim ditën kur do të takohemi në amshim. Pres me padurim të vij pranë teje, andaj i lutem Zotit të na japë sabër.
Urime ditëlindja e 8-të, Iljas!
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?