E shohin nga aeroplani thirrjen për ndihmë të tre të zhdukurve

Tri ditë janë konsideruar si të zhdukur tre veta pasi që kishin humbur rrugën me një barkë të vogël dhe kishin zbarkuar në një ishull të vogël në Oqeanin Paqësor. Një aeroplan dhe disa anije kishin kërkuar për 17 orë rresht që t`i gjejnë të zhdukurit por kot, njofton agjencia reuters.

Shpëtimi atyre u ka ardhur nga gjeturia e tyre: me degë palmash dhe me pjesë veshjesh kanë “shkruar” në tokë fjalën “Help” (ndihmë), transmeton albinfo.ch. Këtë thirrje për ndihmë e ka parë stafi i një aeroplani ushtarak amerikan që po fluturonte mbi atë hapësirë.

Siç bën të ditur ushtria amerikane, personeli i aeroplanit ka njoftuar familjarët e të zhdukurve dhe një stacion shpëtimi në një ishull të afërm. Pas kësaj është organizuar një barkë e cila i ka marrë tre vetat dhe i ka sjellë në siguri.