Edi Rama për Bild: S’do ketë qendra azilkërkuesish në Shqipëri

Sipas të përditshmes gjermane BILD, kryeministri Rama është shprehur hapur kundra ngritjes së qendrave të azilkerkimit për emigrantët që synojnë BE-në, shkruan albinfo.ch.

“Është një goditje e rëndë për planet e BE për ndërtimin e qendrave të azilit për refugjatët në shtetet e treta! Pas Libisë një ofertë të tillë e refuzon edhe Shqipëria,” shkruan bild, e cila ka intervistuar kryeministrin Edi Rama.

“Kurrë nuk do pranojmë ngritjen e kampeve për refugjatët e BE,” tha Rama, përcjell albinfo.ch. Pasi kjo do thoshte që “personat e dyshuar ti strehojmë diku si mbetje toksike, që nuk i dëshiron askush.”

Gjithsesi Edi Rama ka pranuar të marrë përgjegjësi për të ndihmuar BE-në, por jo edhe që Shqipëria të jetë pikë grumbullimi i refugjatëve, pasi kjo do ishte një “zgjidhje e rrezikshme”. Në lidhje me anëtarësimin në BE, Rama shtoi se kjo nuk ka të bëjë me integrimin. Kurrë nuk do kishte menduar të tregojë një “gjest heroik” për “t’u falenderuar me anëtarësimin në BE”.

Në fund Rama ka lavdëruar kancelaren gjermane Angela Merkel për strehimin dhe sjelljen e saj ndaj refugjatëve në valën e 2015.