Ekspozita në Francë: “Shqipëria, 1207 km në lindje”

Për këtë fund të vitit, Shqipëria do të paraqitet në Muzeun e qytetërimeve në Evropë dhe Mesdhe në Marsejë (Marseille) të Francës.

Drejtori i Mucem (Muzeu i qytetërimeve evropiane dhe mesdhetare), Jean-François Chougnet, rikujton se Muzeu i qytetit Marsejë është tani i 37-i në botë me numrin e vizitorëve.

1207 km ndajnë qytetin Marsejë nga Tirana, kryeqyteti i Shqipërisë. Kjo është arsyeja pse ekspozita e re në Mucem titullohet “Shqipëria, 1207 km në lindje”. Qëllimi është që të sjellë në vëmendje që gjeografikisht gjendet në Ballkan, po që kulturalisht është afër nesh, thekson drejtori Chougnet. Ai shton se historia dhe identiteti i Shqipërisë i përkasin plotësisht kulturës mesdhetare dhe që mbetët ende relativisht e panjohur për francezët.

Në këtë ekspozitë do të shihet sa rezulton që historia dhe identiteti shqiptar janë në qendër të shqetësimeve të artistëve shqiptarë, shumica ende të shënuar nga rënia e komunizmit në vitin 1991 dhe krijimi i stuhishëm i të ashtuquajturës “periudha e transicionit”.