Shqipëria
Ekspozita në Tiranë, “Komunizmi në epokën e tij”
Si sot përpara 27 vitesh demonstruesit në qendër të Tiranës rrëzuan statujën me dimensione të mbinatyrshme të diktatorit Enver Hoxha duke i dhënë fund kësisoj edhe në mënyrë simbolike një epoke tmerri prej disa dekadash. Në këtë kontekst, ditën e djeshme, Dr. Ulrich Mählert, përfaqësues i Fondacionit Federal të Diktaturës së Partisë të Unitetit Socialist të Gjermanisë, së bashku me ish të dënuarin politik Fatos Lubonja, çelën në ambientet e Muzeut Historik Kombëtar përpara miqsh të shumtë të rinj e të vjetër, si dhe në praninë e Ambasadores Gjermane Susanne Schütz, ekspozitën me titull “Komunizmi në epokën e tij”, raporton ambasada gjermane në Tiranë.
Kjo ekspozitë përshkruan ngritjen dhe rënien e lëvizjeve komuniste të shek. XX. “Trajtimi i komunizmit dhe historisë së tij na mpreh shikimin për të dalluar mekanizmat e sundimit, që kanë karakterizuar lëvizjet komuniste në mbarë botën. Nëse arrijmë të shohim qartë premtimet komuniste për shpëtimin dhe të ardhmen, kjo do të na ndihmojë të zbulojmë premtimet populiste të së tashmes, qofshin këto të frymëzuara nga ideologji post-komuniste apo/dhe nacionaliste. Trajtimi i komunizmit dhe historisë së tij mbart në vetvete një element që nxit demokracinë. Kompetenca e qytetarëve/eve për të dalluar mes opozitës politike legjitime dhe politikës ekstremiste, që rrezikon demokracinë, është premisa bazë e çdo demokracie”, u shpreh kuratori i ekspozitës Dr. Mählert.
Versioni shqip i ekspozitës u mundësua prej “Institute for Democracy, Media & Culture (IDMC)”.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Kostot e sistemit shëndetësor kanë arritur 91.5 miliardë franga Statistikat tregojnë se trajtimet kurative spitalore, trajtimet kurative ambulatore dhe trajtimet afatgjata dhe mbështetëse së bashku...
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat
-
Zvicër: Nis fushata për uljen e primeve të sigurimit shëndetësor