Lajme

Ekzekutohet me 9 plumba shqiptari në Ekuador

Atentat me 9 plumba, dalin pamjet e ekzekutimit të shqiptarit në Ekuador

E shtunë, 11 Nëntor 2023 - 15:45 albinfo.ch

Shqiptari A. R. është ekzekutuar me armë në Guayaquil të Ekuadorit. Sipas mediave, ngjarja ka ndodhur më 9 nëntor, rreth orës 20:30, përcjell albinfo.ch.

Referuar mediave ekuadoriane, shqiptari u ekzekutua teksa ndodhej brenda makinës së tij të parkuar. Sipas dëshmitarëve, autorët kanë qenë me motor. Pas ekzekutimit, ata u larguan me shpejtësi me të njëjtin mjet.

Shqiptari u qëllua me 9 plumba pistolete. Nga hetimet e deritanishme është bërë e ditur se A. R. ka qenë duke pritur bashkëshorten e tij, e cila ndodhej në spitalin ‘Luis Vernaza’, për të takuar të atin e saj që ishte i shtruar aty.

Bashkëshortja e A.R. u tha hetuesve se ai nuk punonte dhe se në vend qëndronte pa dokumente legale. Sipas saj, 53-vjeçarit i dërgonte para i vëllai nga Kanadaja ose persona të tjerë nga Shqipëria.

 

 

 Të tjera nga Lajme

Dy motrat nga Kosova që vdiqën në aksident në Gjermani, varrosen nesër në Topanicë të Kamenicës

 E-Diaspora

 Jeta në Zvicër