Elhaida Dani, konkurrente serioze në “The Voice of Italy”

Shqiptarja nga Shkodra, Elhaida Dani ka kaluar me sukses edhe një rund tjetër në garën “The Voice of Italy”

Me këngën “Nessun Dolore”, 19-vjeçarja nga Shkodra, e cila bën pjesë në grupin e të madhit Riccardo Cocciante-s, nuk është eliminuar nga ky konkurrim muzikor në Itali.

Juria e ka vlerësuar performacën e talentes shqiptare, por nuk munguan as kritikat që në këtë fazë të konkurrimit sa vijnë edhe bëhen më të rëndësishme, transmetojnë mediat e Tiranës..

Elhaida Dani është e njohur për publikun shqiptar si pjesëmarrëse në Festivalin e Këngës, e më pas si fituese e “Top Fest 2012” në Top Channel, me këngën “S’je më”.