Erdhi pas luftës në Francë, tani ka kompaninë e tij personale

Ismet Sahiti arriti në Francë, nga vendlindja e tij në Kosovë, në vitin 2003. Me profesion mjeshtër i ngjyrosjes dhe vendosjes së pllakave, Ismeti vendosi të qëndrojë në këmbët e veta dhe të themelojë kompaninë e tij

Nga Kosova erdhi në vitin 2003, menjëherë pas luftës dhe fillimisht u vendos në lokacionin “Bassin minier” për tu bashkuar me familjen e tij, e cila kishte ikur nga një vend i paqëndrueshëm.

I specializuar dhe i diplomuar për ngjyrosje dhe vendosje të pllakave, ai punoi për një kohë të gjatë me nënkontraktime me sipërmarrësit lokalë. Sot, i martuar dhe prind i katër fëmijëve, Ismeti vendosi të bëhet shef në vetvete, duke krijuar kompaninë e tij me një zyrë qendrore në Blanzy.

“Nga klientët e mi kam shumë komplimente për të punësuarit e mi, kështu që unë atyre iu besoj” thotë Ismeti për “Le Journal”, përcjell Albinfo.ch. Një specialist i ngjyrosjes dhe izolimit të brendshëm, zejtari i ri shqiptar shpreson ta zgjerojë biznesin e tij të ri dhe ta rrisë bazën e tij të klientëve.