Maqedonia
Escobar: Maqedonia, shembull për rajonin
Emisari i posaçëm amerikan për Ballkanin Perëndimor, Gabriel Eskobar, në intervistën e fillimdhjetorit për Këshillin Atlantik, duke u prononcuar për vendet e Ballkanit Perëndimor, ka theksuar se Maqedonia e Veriut është shembull se si është përballur me sfidat. Eskobar shton se me Maqedoninë e Veriut, Evropa do të fitojë një aleat të madh, duke marrë parasysh se vendi është anëtar i NATO-s
Zv. Ndihmësi Sekretar Shtetëror i SHBA-së, Gabriel Eskobar, vlerëson se të gjitha vendet e Ballkanit Perëndimor janë të vetëdijshme se e ardhmja e tyre është në BE. Në intervistën dhënë në fillim të dhjetorit për Këshillin Atlantik, siç përcjell KlanM, ai ka theksuar se Maqedonia e Veriut është shembull se si është përballur me sfidat, duke aluduar në veton bullgare dhe kërkesën për hapjen e Kushtetutës.
“RMV-ja me kandidaturën, është shembull, në rajon. Gjithmonë e them se në rajonin përplot me raporte ndëretnike dhe menaxhime multietnike, RMV-ja del si një shembull shumë i mirë si shtet multietnik qytetar dhe shërben si shembull i mirë për vendet e tjera që përballen me çështjet e njëjta. Gjithashtu, ata bënë gjithçka, realizuan të gjitha reformat, që të hapet dera e parë e negociatave aderuese. Për këtë shkak besoj se kjo Qeveri ka vullnet, se qytetarët e RMV-së kanë kapacitetin për ta bërë atë që duhet, që të bëhen anëtare fuqiplotë e BE-së”, tha Gabriel Eskobar, diplomat amerikan.
Diplomati amerikan, siç njofton KlanM, megjithatë, vlerëson se problemi më i madh në rajon është korrupsioni, për çka fajtorë janë partitë nacionaliste, që sipas tij, janë më të korruptuarit.
“E dini se korrupsioni është problemi më i madh për rajonin, nacionalizmi dhe rivaliteti etnik janë vetëm maskë për këtë. Është e qartë se partitë që janë më nacionaliste në rajon, janë edhe më të korruptuara. Ky është fakt. Këtë nuk e thotë vetëm qeveria amerikane, por edhe organizata të pavarura, si Transparency International dhe disa organizata të sektorit civil evropian, si dhe organizata vendore të shoqërisë civile”, deklaroi Eskobar.
Emisari i posaçëm amerikan për Ballkanin Perëndimor, Gabriel Eskobar, siç njofton KlanM, ka kërkuar pjesëmarrje më të madhe të vendeve të Ballkanit Perëndimor në strukturat evropiane, kurse sërish ka theksuar se dëshiron të shohë “më tepër Evropë drejt Ballkanit Perëndimor”, siç thotë, pa marrë parasysh nëse do t`i lejojnë të ulen në tavolinë derisa mbyllen kapitujt.
Të tjera nga Maqedonia
E-Diaspora
-
Shqipëri: A do të mundësohet vota e emigrantëve në zgjedhjet 2025? Kryekomisioneri Shtetëror i Zgjedhjeve, në Shqipëri Ilirjan Celibashi deklaroi sot se vota e emigrantëve mund të...
-
Sot fillon në Cyrih Festivali i Filmit “Kino Kosova”
-
Vjenë
Vjenë: Kori Siparantum, edhe me një paraqitje në skenën prestigjioze
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
Jeta në Zvicër
-
Bashkëpunimi Zvicër-Kosovë, diskutojnë Rafuna e Fetahi Kryetari i Odës Ekonlmike të Kosovës Lulzim Rafuna u takua me Fehmi Fetahi, pronar i kompanisë...
-
Pritet trafik i rënduar gjatë majit në Zvicër
-
OECD: Aktiviteti i ngadaltë ekonomik ngadalëson rritjen në Zvicër
-
Rritje e investimeve të huaja në Zvicër gjatë vitit 2023
-
Qeveria zvicerane synon ekuilibër më të mirë gjinor në administratën federale