Fabjon Marku kërcënohet me dëbim në Shqipëri

Futbollisti Fabjon Marku dhe familja e tij, refugjatë prej dy vitesh në Gjermani, rrezikojnë të kthehen në Shqipëri

Ai nuk e ka lehtë të flasë për të kaluarën e tij. E kaluara nuk ka qenë e lehtë për të. Në jetën e tij ka përjetuar shumë. Dy vjet më parë, në moshën 19-vjeçare, së bashku me vëllain e tij më të ri dhe nënën u largua në verën e vitit 2015 në Shqipëri, shkruan ‘nrz.de’.

“Ne kemi shkuar me tragetin nga Shqipëria për në Itali. Më pastaj kemi shkuar me tren në Gjermani”, tregon ai, dhe  shton se babai i tij kishte probleme. Ai kishte një dyqan këpucësh. Për të blerë mall, kishte marrë një kredi të madhe dhe i kishte investuar, por më pas ishin vjedhur.

Ai nuk mund ta paguante kredinë dhe u shkatërrua financiarisht. Fabjoni luante për Dinamon e Tiranës, me një pagë prej 400 eurosh. Me këto para mbulonte shpenzimet, por jo borxhet e babait të tij.

Familja ishte e kërcënuar se do të lëndohej. Për këtë arsye shkuan Fliehburg të Gjermanisë.

Ai më pas filloi të luajë futboll dhe në këtë drejtim kishte shumë oferta. “Futbolli është jeta ime”, thekson ai. Familja shqiptare gjithashtu u integrua në Gjermani.

Por, familja shqiptare rrezikon të dëbohet, pasi Shqipëria konsiderohet si vend i sigurt.