AUTOTECH

Facebook, Instagram dhe WhatsApp, përsëri me probleme

Këtë pasdite, disa përdorues të Facebook-ut, Instagram-it dhe WhatsApp-it kanë raportuar probleme gjatë përdorimit të këtyre rrjeteve, shkruan albinfo.ch.

Në Facebook është vërejtur problemi me fotografitë, të cilat nuk po janë të dukshme në disa raste. Madje, disa nga lajmet që albinfo.ch ka shpërndarë në Facebook, për disa minuta kanë qëndruar pa fotografi në këtë platformë.

Probleme të ngjashme ka pasur edhe në Instagram e Whatsapp. Fotografitë që kanë shkëmbyer përdoruesit, nuk kanë qenë të qasshme apo të dukshme për marrësit. Në Instagram, në disa raste ka dështuar edhe dërgimi i mesazheve.

Shkaqet e këtyre problemeve ende nuk dihen.